نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رحت مطعم ايطالي مشهور .. شوفوا وش لقيت مرسوم على طاولتهم ( صور )

ي و س ف · #207 06/10/2010, 07:08 AM

إقتباس

الرسالة الأصلية كتبت بواسطة سيرجو راموس


	رحنا نتعشى في مطعم ايطالي مشهور بس توّه يفتح في الشرقية المطعم في الظهران مول و اسمه رومانوز مكاروني اند قريلز كان المطعم فل واستنينا طاولة تفضى .. اول مافضت طاولة و قمنا نبي نجلس عليها جا الجرسون ينظفها قلت له استنا شوي طبعا بالانقليزي لان الجراسنه كلهم فلبن يعني فلبينيين و طلعت الجوال المعتق و قمت اصور الصور اللي تشوفونها تحت طبعا اللي رسموها اللي جالسين قبلنا طبعا طاولات المطعم تغطى بورق ابيض كبيييييير و يجي الويتر ( معنى اخر للجرسون ) و يجيب طباشير ( قصدي الوان شمعية ) و يحرض على الشخبطة على الطاولة لان اول شي يقوم به انه يكتب اسمه على الطاولة واذا كان مع الزبون اطفال يجيب لهم كراريس الوان زي اللي يوزعونها ابل بيز و تشيليز ( اش رايكم فيني مثقف ) ومع كل زبون يغيرون ورق الطاولة بورق جديد و هكذا انا حاولت اقلد وارسم بس استحيت قلت ياولد خلك اتيكو ( دلع اتيكيت ) و خفت اللي بعدي يجون يصورون رسمتي و ينزلونها على النت واشتهر وانا ما احب الشهرة بعد ماصورت سألت الفلبيني تعرف وش هو الهلال قال اوف كورس فوتبول تيم طلعوا حتى الفلبن يعرفون الهلال قلت يمكن عشان شبيهم لي يونق يلعب له الفلبيني بعد مانظف طاولتنا و جهزها لنا كتب اسمه على الطاولة ارنولد قلت اخس يا شوارزنجر قال ان ابيه كان معجب بارنولد شوارزنجر فسماه بسمه فلبيني مهايطي و انا ببطل هذرة واترككم مع الصور : والصور بتركها بدون حقوق عشان اللي يبي يلطش عادي يلطش ولا كنه يدري .. حلالكم مادام انه هلالكم !! واجهة المطعم تشوفون المطعم فاضي لان وقت التقاطها بعد ماطلعنا و كان وقت صلاة العشا و هيدي مجموعة صور للطاولي و للرسمة يللي خبرتكو عنها : اخس ياللبناني زي ما شفتوا متفنن في تصوير الطاولة من عدة جهات و ارنولد يوزع ابتسامات وانا اقول في خاطري والله يا ارنولد ان ابتساماتك ذي ابتسامات اللي طمعان بالبخشيش بس هين بعد ما نشبع يصير خير يوم خلصنا طلع حسابنا 3 اشخاص 158 حطيت له 160 و قلت له كيب ذا تشينج يعني احتفظ بالباقي وهو مازال يوزع ابتسامات مايدري ان البخشيش ريالين بس قال شوارزنجر قال للي مايعرف ارنولد شوارزنجر هو ذاك القوي اللي يمثل الترمنيتور ( شكرا ع المعلومه ) ,,, عفوا باي و اتمنى الموضوع يعجبكم و يخفف من الشد النفسي قبل موقعة اصفهان و دعواتكم للهلال

الصراحه مالك حق

رايح لمطعم ايطالي مشهو

لاعزمتني ولاخذتني معك والا تخاف اخلص عنك الأكل

بما انني دبدوب لاتخاف اكلي هالأيام قللييل كلنا يالدببه

نقول هالعباره اللتي جلبت لنا مزيدآ من التخمه

وش رايك فيني وانا اتكلم فصحي تحس اني اطلق منك

ههههههههــ اضحك الله سنك مثلما اضحكت اسناني المكسره ــهههههه