نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ملتاع · #1 03/10/2010, 07:10 AM

السلام عليكم ورحمة الله وبركاته

كيفكم يا أهل المجلس العام

حياكم الله وبياكم وجعل الجنة مثوانا ومثواكم

وأنا أفرفر في الموقع مريت على القسم فقلت لزمن علي <<<<<

أضع بصمتي فيه

موضوعنا اليوم يا إخوان <<<<< الله على أيام الجامعه

هو عباره عن قصيده <<<<< إحلف

فيها الكثير من واقعنا المرير <<<<< والله متعوب عليها هالجمله

ما أبي أطول عليكم

من طاح .. من عينك ؟؟ ومن فيها ماطـاح ؟؟
ذي طيبتك .. واليوم .. تدفع ثمنها

حتى لو انك كنت .. صاحي .. ولمـــاح
أصحاب ( كيف الحال ) محدٍ .. ظمنها

صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها

يالله دخيلك .. كلـها .. شالت .. ارماح
حتى الوغـد قام .. يتخمش رسنها

مات الحيا والمرجله .. دمها .. ساح
كلٍ كشف .. عن سوء نيه .. دفنها

دامه .. زمن عقرب ، وحيه ، وتمسـاح
خل الأسود .. تنـام .. ماهــو زمنها

قالولي انطح .. صيحة الصوت .. بصياح
واعزل حرام السالفه .. عن كـفنها

قلت الخساره بالردي .. عندي ارباح
ومثلي .. يعلي هامته .. ماطـمنها

ترسي جبال طويق لا هــبت ارياح
وانا من اول .. ماخذ الراي .. منها

اقولها وانا .. مروّق .. ومـرتاح
شل الله .. لسان العـفون .. وبدنها

صح لسان قايلها

وسلمت يد ناقلها

وكثر الله خيري وخيركم

هذا رابطها صوتيا

http://q9aid.nayf.in/mn-6aa7/

وإن كان فيكم أحد نزلها قبلي فليستر ما واجه

والسلام عليكم ورحمة الله وبركاته