بصراحة كنا ننتظر فوز ساحق ماحق ... لقيناهم فازو علينا .. البحرين جاب 4 نقاط وحنا نقطه والله فشيلة ... (بس ماشاء الله عليه يذاكر زين على شان ينجح ويصير الأول )

وحنا بعد كل مرحلة نقول نعوض باللي جاي وشكلنا بعد 7 مباريات نبي نقول تونا ما راح إلا 7 والمشوار قدامنا طويل !!

المدرب والله ما براسه خطه .. تكفون ما نبيه .. أجل فريق ينهزم بهدف ويطرد منه لاعب وهو ينتظر 10 دقائق يا أخي قضى الشوط وسجلو فينا هدف ثاني وهو يتشاور مع مستر ابو طربوش ..

- هالحين يوم احتجنا الشيحان فريق مفتوح ومهاجم وعلى أرضهم ويحتاجون فوز وعندهم مساحات فاضية ما دخله ... ويوم لعبنا مع البحرين اللي عشرين لاعب بالدفاع حاطه معهم ... والله ما يصير ... بعدين ليش على الأقل يوم شاف الصقري ضايع ماله مركز متقيد فيه يطلعه ويدخل اليامي ويخليه جناح أيسر يفتح اللعب

- نور وماطر والله رفعتوا الضغط حرام عليكم ولا كورة صح كل الكور مقطوعة

- سامي اللي يشوفه وهو يتبدل يقول هذولا فايزين ويحافظون على التقدم رفعت ضغط البكر حسبي الله عليك ..

- حضرت الاستاذ عبيد ما بقى إلا فنجال شاهي وكوتشينه !! يا اخي ارجع شف سامي يا خذ كورة إذا صار ما عندك وسط ارجع خذ كور .

- الدوخي وعبد الغني ما قصرتوا ... مرة ثانية لا تطيعون مدرب الخرطي ...

- عبد الله سليمان وخليل متفاهمين إلى حد ما .. بس عليهم طلعات مالها سنع

- ما أدري علي دائي لاعب بارد ومعه راس يروع ينفرد بالباب كنه يتمشى بحارتهم واااثق من نفسه ويجيب أهداف .. والله لعيييب !!

- علي دائي قال ليت فيه الدعيع على شان أسجل فيه ... فحط حرته بالخوجلي .

- خوجلي امسح ادموعك وبلاش البكى تراك أبدعت وماقصرت ... لكن مشكلة حراسلنا مع العرضيات ما انحلت

- في الليلة الظلماء يفتقد البدر .... وينك يالوسط نواف الشلهوب القهوجي ... والله محتاجين لاعبين وسط .. ترا ما عندنا إلا الدجة

- اعذروني ما شفت المباراة زين ... شفت بس 20 دقيقة فتحت التلفزيون جاء البلنتي وجاء الطرد وسجل الهدف الثاني وسكرت التلفزيون ... بس شفت التحليل بعد المباراة بالآوربت ودبي (شكلي صدق شؤوم على الهلال والمنتخب على قولة الاعصار حسبي الله عليه)




كوكتيل