انا من شهر 2 ميلادي وانا احاول انقل الرقم
طبعا ما بين مشاغل و كسل
كنت ما اتابع الطلب بشكل جاد
لكن من بعد اجازه العيد
وانا ناشب لهب بشكل يومي
كل يوم اروح لموبايلي احدث الطلب
و يوم السبت الماضي رحت لموقع هيئه الاتصالات في الرياض و قدمت شكوى
وطبعا هيئة الاتصالات تقول لك احنا جهه اشرافيه
وفيه ناس قدموا علينا و صار لهم اكثر من 4 اشهر ما انتقل الرقم
و يقولون لك اللي نقدر نسويه نتابع طلبك و بعد 6 ايام نغرم شركة الاتصالات
المهم اخوي
ادخدل على موقع هيئة الاتصالات و اطبع نموذج الشكوى الموجود
و حاول تكتب المشكله بالتفصيل و اذا تذكر تواريخ اكتببها
وبعدها ارسلها مع صوره هويتك على الفاكس هذا فاكس:014618033
و من بكره الصبح احرق هذا الرقم 014618022 الموظف يرد عليه بعد خمس او ست اتصالات متكرره وفي كل اتصال طول الى ما يفصل يعني بالعربي ازعجه ولما يرد عليك تاكد ان شكوتك وصلت سجلت في النظام عندهم
الموظف ببيقول لك بعد يومين كلمنا او يقول لك حدث طلب التحويل من موبايليل قبل الساعه 11 الصبح
بعدها الموظف يقول لك كلمنا بعد يومين و بيفيدك بان معامله التحويل تاخذ 6 ايام و اذا ما تحول الرقم هم يغرمون شركة الاتصالات
انا الحين صار لي اسبوعين شغلي الشاغل تحويل رقمي و بستقعد لهم الى ما يتم باذن الله
او الغي رقمي و الارقام اللي تابعه لاسمي معاهم ومن ضمنها رقم زوجتي و اولادي و ثابت البيت
و اشترك في موبايلي باقة الموج الازرق بس انا بشوف اخرتها معهم و الوعد قبل اجازه عيد الاضحى
والحمدالله موقع عملي قريب من هيئة الاتصالات و مكتب موبايلي
لا تنسونا من دعواتكم
واخوي اي استفسار تبيه راسلني على الخاص
اخوك
شبيه الـــريـــح
