هلا فيك
انا اعتزلت عبداللطيف جميل لانه نصاب

واعتزلت stc لانهم نصابين

stc كانت عندي شريحه لها معي تقريبا سنتين والحد الائتماني 500 ريال وكل شهرين تنزل 400 ريال وعليها
مع اني مااكلم والفاتوره عمرها ماانزلت عن 400 ريال مع اني في اشهر استخدم قطاف 75 دقيقه مجاني على كلامهم
ومع كذا الفاتوره ثابته ماتنزل عن 400 ريال
قررت افصلها واحول موبايلي .. رحت لشركت stc وكلمتهم يفصلون الخدمه وافقوا على طول بس قالوا
رح سدد اللي عليك رحت اسدد الفاتوره 400 وعليها كالعاده لما رجعت لهم قالوا باقي 14 ريال ماتسدت
قلت اوكي رجعت للصرافه واحاول اسدد 14 ريال لكن ماقدرت طلع مكتوب ماعليك فاتوره
رجعت لهم قالوا جرب غير الراجحي المهم والله اني جربت البلاد الاهلي الرياض وبعد الراجحي و14 ريال موراضيه
تطلع معي بالجهاز قلت بروح للبنك واسدد من نفس البنك رحت هناك موظف البنك قال فواتير جوال فقط التسديد
يكون بالصراف
رجعت لهم قالوا مانقدر لازم تسدد 14 ريال السالفه هذي خذت معي اسبوع وعليها وانا كل يوم مسنتر عندهم
ويحتجون بان الصراف اللي عنده خربان وان الحاسوب يطلع لهم 14 ريال لم يتم سداده اخر شي
خليتهم وللمعلوميه علي برضو فاتوره ثابت تلفون فوق 1600 ريال
ولا اني راح اسددها ولا يحلمون بريال من عندي شركة نصب في نصب

اما موبايلي فاتورتي تجيني كل شهر 73 ريال او 90 ريال اكثر مبلغ مر علي 140 ريال في الشهر لو تجمع 140 و 140
يطلع لك 280 وstc كانوا ياخذون مني فوق 400 ريال

كل كلامي هذا انك تسحب عليهم وخل المبلغ يولي وطنشهم
ياززززين موبايلي بس