| صراحه احداث لاتنسى كنت في المدرج ومعي ثلاثه من اخوياي ظامنين التأهل نوعاًما لكن جاء الهدف الاول اصابني ذهول
جاء الثاني تحطمت الثلاث ماامتلكت نفسي دخلت في حاله نفسيه لا يعلم بها الا الله بدت الاشواط الاضافيه جاء الرابع يونس
محمود جا يفرح عندنا انواع الترجيم جاه من الجمهور قلت الله يستر من الاتحاد الآسيوي بيستقعد لنا بس ماهمني لأني قلت
خلاص الآسيويه باي باي قلت لربعي مااقدر اتحمل بيرتفع ضغطي مشينا الفندق قال خوي الهلال بيرجع بس اصبر شوي وانا
اشوف انواااع الاغماء من الجماهير وانا ماألومهم صراحه بعد نهاية الشوط الاول قلت لخوياي والله الهلال يلعب بدون مستوى
مافي امل نفوز وانا لوجلست الشوط الثاني بيغمى علي المهم مشينا وخويي يقول الهلال بيعود وانا اقول مافي امل المهم دقيت على
اخوي في الرياض قال أفا وش فيك طلعت من الملعب قلت ماقدرت اتحمل قال انت ماعندك وفاء للهلال قلت والله لو اجلس شوي
بيرتفع ضغطي إلا واخوي يقامز ويصارخ وانا مادري وش السالفه حط التلفون عند سماعة TV وانا اسمع فارس عوض يعلق
على هدف ياسر ياجماعه والله دمعت عيني غصب عند اخوياي خويي يضمني ويقول قايلك الهلال بيرجع بس ماصدقتني والله
ماقدرت ارد عليه شوي ويرجع اخوي يكلمني واسأله كيف جاء الهدف وهو يشرح لي الا سكت شوي ثم صرخ واسمع يقول
عيسى والله ياجماعه ماتتخيلون الهستريا اللي جتني شي جنوني اتجهنا للفندق(ريتاج الريان)جلسنا في الاستقبال ننتظر الجماهير
واحتفلنى في اللوبي واستمتعنا لمدة ساعه إلاربع تقريباً.
هذا ماحدث لي تمااماً وعذراً على الاصاله  | 