| حنا كنا مجموعة أصدقاء 14 واحد في مزرعة منهم
أربعة فقراوية
وثلاثه مالهم بالكوره
وسبعه هلاليه
واحد من هالربعه الفقراويه وسخ قذر استفزازي
وجته بداية المباراة وسيرها على مايتمنى رغم اننا
نتابع المباراة على تلفزيونين واحد في المجلس
عنده حنا يالهلاليين.. والآخر بالحوش وعنده الفقراويه
واللي مالهم بالكوره..بين الشوطين خذ شماته من الفقراويه
ولما بدأ الشوط الثاني كنت مراهن ان الزعيم قادر ان يعود
للمباراة.. ولما دخل الوقت الآضافي دب اليأس في نفسى وخرجت
من المزرعة أفرج ضيقه بصدري لأن الفقراوي الوسخ قلت أتضارب
معاه يدخل يستفزنا ويطلع.. المهمم لما خرجت كنت على اتصال بالعيال
حتى انتهى الشوط الأضافي الأول وجزء كبيرمن الأضافي الثاني فقررت
أرجع عجزت أصبر.. على دخلتي صرخو زملائي بالداخل وأشوفهم يقامزون
وأنا لا شعوريا مسكت جوالاتي وخبطتها بالجدار وعلى دخلت الفقراوي برب
الكعبه من غير شعور نخمت بوجهه لأنه رافع ضغطي طول المباراة وصرنا
قش صلبه تضاربنا وفرقونا الأخوان وهدو الوضع..وعاتبوه كثير ليه يستفزن
وليه تدخل عليهم.. ولما انتهت المباراة مسكونا الشباب وسوو صلح وشرطت
عليه أن يحترم مشاعري مره ثانيه. والله اني اللى الآن ماني مصدق وش
اللي صار لكن الحمدلله فاز الزعيم.  | 