| اخوي ناصر .... يعطيك العافية على الموضوع
بس ودي اقول لك شي
مثلاً لو اخوك في قطر وشفته مغمى عليه الله لا يقوله والاسعاف يحاولون ينقذونه
وش بتكون ردة فعلك؟؟؟؟
اترك اخوك
لو انت في الوضع اللي كانو فيه بعض المشجعين البارح ,, والمشوار الطويل والسفر والصراخ والتشجيع
وتبدأ المباراة وتشوف الفريدي يتمخطر ، كانه يلعب مباراة مع اصدقاء زيدان
ولا خيرات اللي كأنه في تدريب..
ولا ياسر وتضييع الفرص قدام الباب كأنه يلعب في حصة رياضة في متوسطة ،، والمشكلة عقده بالملايين وزعلان ما اخذ فلوسه بعد
ولا حسن اللي ماتدري وش فيه يتفرج على الكور ويطير في الهوا يمين ويسار على الفاضي
ولا نامي اللي وده ينطرد بس مايدري وشلون..
اسألك بالله العظيم ما تحترق وتنهبل؟؟؟
ياخي العزيز اذا انت اعصابك باردة ، ترى الناس مو مثلك
هذا الهلال ، مهوب الاهلي ولا النصر ولا القادسية ولا اي فريق ثاني مع احترامي الشديد يعني
الهلال اللي مر عليه اجيال ذهبية ولعيبة احترقو عشان الفنيلة اللي لابسينها
تجي الحين تقول لي لا تحبطون اللاعبين؟؟؟؟؟؟
هذا بصراحة اللي يزيدهم دلع واستخفاف!!!! فيه بعض اللاعبين في الهلال اللي يتوقعون انهم بلغو ذروة المجد والشهرة بس لأنهم يلعبون في الهلال!!!!!
هـــــــــذا اكبر غلــــــط!!!!!
المجتهد نقول له احسنت ، والمتهاون والمتكاسل نقول له لآ!!!! وقف عند حدك!!!!!  | 