نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - جنون الهلال... جريتس صاحب البالين أنا بنت بس أفهم أكثر منك *&الهلال مو حقل تجارب

وجد الزعيم20 · #1 23/09/2010, 12:30 PM

مستحيل
مايحدث وماحدث
لم أشاهد الهلال بهذا المستوى في حياتي
يأتي مدرب ويذهب أخر
ولكن بهذا الشكل لم أرى الهلال أبدا
,
.
أولاقبل نلوم اللاعبين
من الأساس التشكيله غلط
مااعرف جريتس خربها قبل يروح ولا إيش
انت فايز بالرياض بالثلاثه
من البديهي ياكوتش انك تلعب بمحورين و(((((تقفل اللعب )))))
وتعلب ع المرتدات
لكن أخونا جريتس حب يسوي الهلال حقل تجارب

وجاب المراره لنا
والله ثم والله كنت من المنتقدين لـ عبدالله وبران يوم قال ان جريتس راح يتخبط ولازم يغيرون قبل رمضان
أنا ماأدري وين الأمانه ياجريتس أنت بين يدينك فريق يشجعه أغلبيه الخليجيين
تتخيل مثلا لو خسرنا الآسيويه كم شخص راح يكرهك

والعجب العجاب
يجي هدف الغرافه الاول وهو جالس عادي جدا
ويجي الثاني ونفس الشي
يجي الثالث ولاكأن صار شي
تحسبونه قام ووجه اللاعبين
اللاعب محتاج توجيه يااخي المباراه لها رهبه شي طبيعي يصير فيه أخطاء

إلا هو جالس
.,

ثانيا اللاعبين
كلنا أجمعنا على ان اللعيبه ماكانوا في يومهم
لكن أرجوكم إلا التحطيم
هم زعلوكم 112 دقيقه
وفرحوكم بظرف دقيقه
أجل هم ليه يبكون
ترى هم مثلكم يحسون ويحترقون
لكن وش ذنبهم إذا المدرب بهذي التشكيله بايع المباراه وبايع اللاعبين وفاتح اللعب
حنا نزيد الحمل على اللعيبه وانتم شفتوا كيف الغنام جته اصابه لأن مامعه محور ثاني يساعده
والحين مصاب < لا إله إلا الله بس

,
.ارجوكم لازم ننتقد صح ولابلاش أستقصاط لاعبين معينين
والله انهم رجال واللي يحسم التأهل في دقيقه يقدر يجيب أكبر البطولات

,
.
عاد خل نطلع من من سالفه التكتيك واللعب
شفتوا كيف حب الهلال
ياجماعة الخير أنا في حياتي ماشفت الجمهور بهالحاله

من بعد هدف عيسى ماأدري وين اروح بس أركض بالصاله وولد اختي من صراخنا يركض وراي ويصيح مايدري وش السالفه

,
.

اه ياهلال
يارب توفيقك
واللهم من أراد الهلال بسوء فأشغله بنفسه وأجعل تدبيره تدمير عليه

,

خاتمه أنا جد المدرب مادخل مخي ( سامي يبكي وهو عادي جدا )

.

أختكم / وجد[/