|
الهلال بهذا المستوى لن يتعدى المرحلة الحالية..! + زواج الشلهوب وبكاء ويلي + جيريتس حرقت قلووبنا..!
بســـــــــــم الله الرحمن الرحيم
مبروك يا شباب عالفوز وهاردلك عالمستوى...وربي سيناريو ما خطر ع بال المتابعين...مستوى سيئ...قتل للفريق من قبل مدربنا
ظرووووف قاهرة وغريبة..!!
من كان يتوقع انه بنلعب بهذي التشكيلة بيوم من الايام:
تشكيلتنا المعروفة:
حسن العتيبي
الزوري المرشدي اسامة لي يونغ
عزيز رادوووووي 
الشلهوب نيفيز ويلي
ياسر
تنقلب الاحوال والظروف لتصبح:
حست العتيبي
لي يونغ حسن خيرات اسامة نامي
البرقان
العابد الشلهوب ويلي
نيفيز
ياسر
الخط الخلفي ثغرات كبيرة......محور وحيد ومتواضع المستوى سواء كان الغنام ولا البرقان بعد ما كان عندنا افضل المحاور باسيا...!!
ببدا باللاعبين وتحليل مستواهم بالمباراة :
حسن العتيبي:
قدم مباراة جيدة وصد انفرادات محققة...ممكن بسبب رعونة يونس لكن الهدف الثالث فضيييحة...من المسؤول عن اعداد الحايط البشري...؟؟...هل هي ضعف خبرة من حسن ما اعتقد...العساس ما ابدع بالفاول ولا تعب فيه الللهم حط الكورة من جنب الحايط وانتهت..!
محمد نامي:
وش اقول وش اخلي مستحيل مدرب بكامل قواه العقلية صراحة يلعب نامي اساسي...نامي بديل فقططططططط...اخطاء دفاعية...سوء تغطية...اوفرات غريبة....لا يعرف يدافع ولا يهاجم ولا يرفع...يجري فقط
مافيه مميزات اللاعب...وفوق هذا يلعب بالهلال....وقمة الاستغراب والقهر لما يجوك كم عضو بالمنتدى يعني نحنا الفاهمين ونحنا المنصفين ويمدحوه ويرشحوه لافضل لاعب بالمباراة..؟؟؟
وفوووووووق هذا كله ينتقدون الزوري...عقليات غريبة بصراحة
اسامة:
يلعب لحاله بالخط الخلفي..مستواه اليوم اقل من مستواه المعروف لكن يضل وزير الدفاع الهلالي ومجبور يتحمل اخطاء نامي وخيرات..!
خيرات:
ثقة غريــــــــــبة ما شفتها بالنعيمة....الهدف الاول هو سبب التحولات الكبيرة بالمباراة...وش كنت تفكر فيه..؟؟
بطئ في التشتيت......؟؟؟؟؟؟؟؟؟؟؟؟
لي يونغ:
مستواه اقل من المعروف يمكن تاثر بسوء مستوى الفريق ككل....لكن مجهود جبار من مساندة هجومية لتغطية دفاعية ولكن واحد غيره كان ارهق من بداية الاشواط الاضافية
الغنام:
طبيعي جدا المستوى السيئ وطبيعي جدا الارهاق اجل يلعب محور لحاله..؟؟
قدام ضغط هجومي رهيب للغرافة...وتقدم الفريدي المستمر.......جيريتس وربي كلها اخطاءك تتحملها لوحدك
الفريدي:
ليست مباراتك امكانيات وقدراتك لم يكن الزعيم بحاجتها....بسبب ظروف المباراة..متقدمين 3 بالرياض...الصحيح برايي البرقان بديل الفريدي وتوازن بالوسط الدفاعي...هذا الي مفروض يصير
الشلهوب:
الشلهوب بطبيعته ما يقدر يلعب بفريق لاعبيه ما يتحركو.....يناول لمين ويعرض لمين...مافيه غير ويلي الي يتحرك
وياسر تايه قدام...عالعموم الشلهوب امس مستواه كان سيئ وحتى مناولاته كانت غير جيدة
نيفيز:
على كثر ما قيل عنه بالمنتدى انه ما قدم شي بالمباراة الا اني اشوف انه الوحيـــــــــــــــــد الي كان يقدم حلول هجومية...نقلات رائعة للاجنحة سواء ويلي ولا العابد ولا لي يونغ...تفعيل العمق باختراق ولا مناولات لياسر
لكن الغريب اصابته بسب الاجهاد نحط الف علامة استفهام....ما اذكر اللاعب اجهد ابدا بالمباريات الا فاتت...لاعبين الغرافة لعبو 3 مباريات بالاسبوع وما طاح فيهم الا الاظهرة
ويلي:
بصراحة عنوان الفاعلية الهجومية اليوم نيفيز وويليامسون....هجماتنا كلها نيفيز يناول لويليامسون ويدعس مع الجهة اليمنى واوفر لياسر....لكن ما ننكر مجهو ويليامسون الكبييييييييييييير لي اغلب الجماهير مو ملاحظ انه ويلي ولي يونغ الوحيدين الي ما تاثرو بالاشواط الاضافية....ويكفي مجهوده بالهدف الثاني عن المباراة كلها
العابد:
بصراحة المباراة اكبر منه بكثييييييييييييييييييييير....مناولات غلط....بطئ في التحرك..!!
حتى اختراقات مافيه من الطرف...والهدف الرابع غلطه هو ونامي 
اصلا الكل مستغرب دخوله بالمباراة ماله اي دور....بصراحة امال كانت معقودة عليه وخيبها
ياسر بن سعيد القحطاااااااااااااااااني:
ااااااااااه يا ياسر....قسم بالله هجمتين كفيلة بانهاء المباراة....وش تسوي قدام الباب..؟؟
معقول تجلي..؟؟
يعني بصراحة مستوى سيييييئ...حتى تحركاته ما كانت بالفاعلية المطلوبة...حتى نيفيز كان يلعب لحاله بدون راس حربة....وربي يا ياسر حطمت امال وقلوب مشجعين الزعيم امس وهم يتابعون مستواك...عيسى قااااادم بقوة وهو احق منك بالمركز..!!
عيسى المحيااااني:
وربي لو اتكلم واكتب من هنا لبكرة ما اوفيك حقك...بعد خروج نيفيز قلت خلاص...اللاعب الوحيد الي يهاجم صح ويسلم صح خرج...لكن عيسى دخل وغير المباراة....تحركات روعة...تسديدات...تسليم كورة صح ( اهم نقطة )
وهدفه الثاني الي فرح الامة الهلالية فرحة ما فرحها من سنييييييييييييييين
ايريك جيريتس
لااااااااا تستحق الوصول لدور الاربعة....مستوى سيئ بسببك....ارهاق لاعبين بسببك...حالات اغماء بالمدرجات بسببك..!!
تشكيلة خطا وتغييرات خطا...دخول العابد بدل الفريدي يعني هل انت اعمى ما تشوف ضيياع الدفاع الهلالي...بصريح العبارة امس مالك داعي ابدااااااااا
وفوق هذا كله تكبر وغرور ومثالية وتواضع مصطنع...الزوري والمرشدي جاهزين من اواخر رمضان...لكن مسوي انا المدرب الي احافظ عثبات التشكيلة والاستقرار....شوف جاك احلى استقرار
بالموتمر الصحفي يقول انا ما ادافع..؟؟
مو عيب انك تدافع بارض خصمك بل هذا احترام وتقدير للمباراة الي داخلها...كلنا شفنا اللعب المفتوح اول الدقايق...الكل استغرب والكل توقع هجوم الغرافة لكن الهلال يهاجم ليش؟؟؟؟؟؟؟؟؟؟؟؟؟؟؟؟؟؟؟؟؟؟
وربي تكبر وغرور مدنا ندفع ثمنه ...وربي كلام في قلبي عليه لو اتكلم من هنا لسنة ما تكفي
حرق قلوبنا باسلوبه الغريب...لعب باعصابنا..المرحلة القادمة اغلاطك لازم تتعدل ولا ما تستاهل يكتب بانجازاتك بطل اسيا ومافينا اي صبر نتحمل اخطائك مرة ثاانية
تذكرت بليلة امس كوزمين مدري ليش...؟؟ 
كان المهاجم ما يتخيل انه بيوصل قدام المرمى ولو يتربش ويضيعها...دقاعنا على ايامه كان حديدي حتى بوجود نامي....؟؟؟
زواج الشلهوب:
سمعت قبل ايام انه الشلهوب بيتزوج...استقرار قريب لنجمنا الموهوب ونقول له الف الف مبروك ومنك المالو ومنها العياااال 
ويلهامسون: 
بكاءه امس حسسني فعلا انه من ابناء النادي....حتى عصبيته ودعسه على قدم فهيد الشمري كان من زعله على اداء الفريق....عالعموم شي شبه موكد ايقافه المباراة القدامة على اقل تقدير..!!
احداث المباراة ببيتنا  :
بصراحة هدف اول دقيقة سوا فيني عمايل من خوف لقلق لتوتر....لكن بعدها بعشر دقايق هديت
هدف يونس صدمة ما توقعها مشجع هلالي واولهم انا....والله بعد هدف يونس وانا بحالة لا يعلم بها الا الله...وكلها
دقايق والعساس يخترق من العمق ويعيقه الغنام....الفاول ما شفته غمضت عيوني واسمع فارس عوض...فكيت
عيوني والكورة بالمرمى
حالة رعب جاتني...حرارة برقبتي مدري من ايش رععععععععععععععب من خروج دوري ابطال اسيا وضياع الحلم
كملت المباراة عالصامت بدون معلق مدري ليش..؟؟
( هدف ياسر )
مع اني اسمع صراخ وفرح بانحاء المنزل الا اني ما كنت فرحان..!!
لاني عارف انه بعدها بلنتيات وام صلال للحين ببالي
( هدف عيسى )
هنا انا اتحولت لشخص اخر
فرح..سجود لله..بصراحة ما كنت مصدق هل انا بواقع ولا حلم
على الرغم من كل الظروف تاهلنا...وبنكمل المشوار ان شاء الله...تاهل لمقابلة الهلال زوب اهان الايراني
فرق ابدا مو سهل واكيد اقوى من الغرافة...معروفة الفرق الايرانية بارضها لا تررررحم
رجوع المصابين...واستقرار الفريق...هو المتوقع بالفترة القادمة
الاسبوع الجاي ضد الاتحاد...والاسبوع الي بعده ضد الفريق الايراني..اهم مرحلة بالموسم كله
واكيد الجماهير الهلالية ماراح تقصر
اسف عالاطالة
  | 