الحمد لله على التاهل ..





جيريتس لاول مره احس انه مدرب غبي ,


يعني فايز بالرياض ثلاثيه نظيفه تجي وتهاجم في ارض الخصم الي اكيد بيدخل بتشكيله هجوميه بحته لان ماعنده شي يخسره والاكثر غباء اللعب بمحور واحد والمحور ايضا مستواه اقل من عادي ..






حسن خيرات اكثر من مره يخطي ويخطي خاصه في التمرير والتاخر في التمرير وهو يتحمل ماحصل في المباراه لانه سلم للغرافه اهم هديه وفي الدقيقه الاولى ..




الهجوم غير المبرر للفريق بعد تسجيل الغرافه الهدف الاول كان من الافضل قتل اللعب واللعب على الواقف حتى انتهاء الشوط الاول لانك فايز في الذهاب بـ 3 ,,



حسن العتيبي مره فوق ومره تحت وهذا مؤشر مخيف والهدف الثاني يتحمل بسبب الخروج الخاطئ , الهدف الرابع ايضا يتحمله مع مدافعيين الهلال بسبب عدم الخروج والكره قريبه منه ..



ياسر حكايه ثانيه رفع ضغط الجميع بسبب الاستهتار خاصه في الكوره القول قدامها ويبي يجيبها مقصيه .؟؟


واعتقد حسنه ياسر الوحيده هو تسجيل الهدف ..


ويلي مستوى هزيل في هالمباراه واتمنى تكون سحابه صيف من الاشقراني ..



الشلهوب مبدع هو الوحيد الي تحس فيه يحترق من اجل الانتصار ..



عيسى والعابد والبرقان ماقصرو رغم الوقت القصير الي لعبو فيه ..




ومباراه للنسيان باذن الله ..



وبالتوفيق لزعيمنا في الادوار القادمه والبطولات القادمه ..

,
,



جمهور الزعيم وربي محسوديين على هالجمهور فريقه خسران 4 وخارج حسابات البطوله ويشجع ويوازر فعلا جمهور يحتذى فيه ..



ايضا الحضور الكبير والقدوم من كل انحاء المملكه لاجل زعيمهم والحمد لله مارجعو خايبين ..