متى يتخلص نادي القرن الاسيوي من هذي الاخطاء المزمنه كي يحصل على اسيا؟؟؟؟
مساء الخير على التأهل الصعب بالخساره للاسف...
ابي ادخل في صلب الموضوع دايركت وهو على شكل
نقاط يحكي اخطاء في نادي القرن ويجب معالجتها
كي نحصل على البطوله الغائبه منذو سنوات
وهي البطوله الاسيويه..
النقطه الاولى:
من اكبر عيوب الهلال منذو زمن بعيد هو(البرود والفرص الضائعه)
وهي تعتبر من اسباب خسائر الهلال لبعض البطولات والنقاط في الدوري
وكلآ منا شاهد اهدار الفرص الضائعه بشكل مستفز للجمهور بمباراة الغرافه
بالرياض وكان من المفروض النتيجه الطبيعيه للقاء 6 صفر للهلال عى الاقل..
ولاحظنا هذا الشي يتكرر وباستهتار بمشاعر الجماهير الهلاليه الحاضره
من اماكن بعيده وجمهور خرافي ومشرف بالبرود والفرص الضائعه
رغم المستوى السئ وما فرصة ياسر امام المرمى المفتوح عنا ببعيد
وفرصه العابد اللاعب الطائش الضائع والتائه...
النقطه الثانيه:
التمركز السئ للاعبين وللاسف مزمن في الهلال ..وابضرب لكم مثل لتمركز
الجيد في اي فريق عملاق وجدي في اللعب عندما تكون هناك ركنيه كورنر
ضدك دايركت وبشكل واضح يتجه لاعبين للقايمين الاول والثاني وتغطية زوايا
المرمى وكذلك تواجد لاعب متأخر في اخر خط ال18 لتغطية الكوره الساقطه
الكل يتذكر اهداف نادي الاتحاد فينا وخاصه المنتشري والمولد يتمركزن في
اخر شي بالركنيه ولايوجد اي لاعب هلالي دائمآ وبالاضافه للاعب على قوس
المرمى على رأس خط ا18 لايوجد لاعب هلالي وتكررت كثير وهذا عيب
مزمن في الهلال...
النقطه الثالثه:
من عيوب الهلال كذلك المستمره وخاصه في هذي المباراه
الاحتفاظ بالكره بشكل مبالغ فيه وخاصه من قلوب الدفاع وشفنا اليوم
خيرات يحتفظ بالكره وهو اخر لاعب كان بامكانه يمرر من بدري
ولكن عندما اتاه ضغط مرر وقطعت وسجلت علينا هدف يعني واضح
من البديهي لاي لاعب مدافع عدم الاحتفاظ بالكره وتخليصها مباشره
او تسليمها للاعب وسط موزع للكور وهذا يسري على لاعبين الهلال
بالوسط والهجوم احتفاظ بالكوره بشكل غير مبرر وخاصه من نفييز
اللاعب السئ جدآ جدآ لاعب يلعب لنفسه فقط وغير متعاون وكذلك
ياسر.....
النقطه الرابعه:
الخطأ الفادح من المدرب المغرور قيرتس بلعبه
بمحور واحد فقط وهو متقدم بثلاثة اهداف في مباراة سابقه
من المفترض اللعب بمحورين حتى لو مافي روسهم كره
وكلآ منا شاهد الوسط مفتوح للغرافه يسرح ويمرح
كيفما يشاء ولايوجد الا الغنام المجهد واللذي لم يتحمل
الضغط واستسلم بالنهايه وخرج....
النقطه الخامسه:
للاسف للاسف للاسف عيب مزمن في الهلال عدم استغلاله للكور
العرضيه والساقطه يعني قليل يلعب كور عرضيه او ساقطه خلف
المهاجمين الكل يعرف ان خطورة كرة القدم الكرات العرضيه
شفتوا اليوم ولهامسون اخر الدقائق كور عرضيه كثيره اثمرت
عن هدفين وهذا من المفترض يكون في كل المباريات
الكل يعرف معظم انتصارات الاتهاد عن طريق العرضيات
ولكن الهلال دايم يحشر نفسه من العمق وهو مقفل بالقوه بالغصب
الا من العمق ولو لاحظتوا الاظهره نادرآ مايعرضون الكور
تلقاه يجنح ولاعنده احد وبالاخير يرجع الكره للخلف وهذي
تتكرر مع نامي ولي يونق والوحيد اللي اشوفه يعرض الكور
في كل مره يكون على الطرف الشلهوب بشكل مستمرر
هذي بعض النقاط وربي لو تداركها الهلال لا اقول لكم
من الآن اسياء في الجيب ولكن اخطا تستمر واستهتار
بجمهور يحضر ويتعب ويلقى لاعبين باردين مثل
العابد قدام الباب ولاعنده احد حتى كان بامكانه يثبت الكوره
ويسجل وهو مرتاح او يعطيها ياسر ولكن كره طائشه مثل
طيشانه في المباراه........
اعجبني اليوم ابو فيصل قال الفريق سئ للغايه وهذا المطلوب
اما نكابر مثل اخونا الفقراويه على فريقنا اذا هو سئ ما نجامل
نقول سئ عشان اللاعبين يحسون ويرجعون بشكل افضل
وفي مبارة الاتهاد لابد يشرك المرشدي والزوري ورادوي ضروري
الدفاع مكشوف والاتهاد مو الغرافه وخاصه على ارضه فريق محظوظ
جدآ ولايمكن يضيع فرصه قدام المرمى خيرات وهوساوي سيئين مره
والعتيبي اسوء اليوم كره فاول يفتح زاوية المرمى للاعب الغرفاوي
ويقول دخلها هديه .......
اتمنى من المشرفين نشر موضوعي واعطاء الفرصه للجماهير
الهلاليه لتعبير عن مشاعرها لا الحذف او التجاهل لان هذا
مايفيد الهلال قوة الهلال من جمهوره اذا غضب وصدقوني
غضب الجمهور بحسس اللاعبين وبيشيلهم فوق اما التكتم
هذا غلط واحنا مانسئ للاعبين بالعكس نقول هذ الاخطاء
من غيره ومحبه وحرقه على الهلال وعليهم......
وبالتوفيق لزعيم بدور الاربعه وعقبال الكأس ان شاءالله
اخوكم المتواضع:خالد
