نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الجن والسحر وشيوخ الدجل.. والحلولية الجدد

الـمـشـاغـب · #66 22/09/2010, 04:18 AM

عدنا والعود سلطان

أعتذر أولاً للمشرف أبوصالح على التعب اللي تعبناه في تحرير الردود , يستاهل من قال له يصير مشرف

بالنسبة للأخ مرسال .. ليس من سمع كمن رأى ! مدري كيف بتقنعني عن طريق الماسينجر إن الجن يدخلون لجسم الإنسان

أنا بحثت وسألت قبل ما أقتنع برأيي !! أمور كثيرة تحصل في حياتنا ثم نكتشف بالأخير إننا كنا على خطأ !
ما نطلب من أحد يغير قناعته بالغصب ! بالعكس كل واحد حرّ في تفكيره .. واللي يعتقد إن رأيه صحيح ( أو بالأصح رأي بعض العلماء ) فهو حرّ !
لكن صدقني أي شخص يجرّب يبحث بنفسه في هالمسألة ويستكشف بيوصل للحقيقة ! أما اللي يحط لي رجل على رجل ويقول خلاص قالها ابن باز الله يرحمه وما راح أشغل مخي .. فهذا حاله مثل حال ( جهلة الشيعة ) مع فارق التشبيه !

حالات المس ..
تعالج بالقرآن !
تعالج بالإنجيل المحرّف !
تعالج بالموسيقى !
تعالج بالكهرباء !

عدة طرق لعلاجها !! هل هو جن فعلاً؟ والا حالات نفسية؟!
القرآن علاج للناس .. ما نختلف ! لكن هل كم بصقة على كم آية يقراها المقرئ وياخذ مقابلها مبلغ جزيل كافية لإخراج الجن؟!
الرقية الشرعية درسناها ونعرفها .. وهي مش اللي يحصل في زمننا هذا إلا فيما ندر !

البعض يقول لي : طيب كيف يقفز الممسوسين قفزات هائلة؟ أكيد الجن من يقفز !
وأرد عليهم بسؤال : هل قفزة الممسوس قفزة خارقة للعادة؟ هل يستطيع القفز للسقف مثلاً؟! طبعاً لا
والبعض يقول : طيب وشلون الجني يخبر بمكان السحر المدفون؟!
الرد سهل : إذا كان هذا الشخص لعب لعبته واستطاع خداع مجموعة كبيرة .. كيف ما يستطيع يكتب في ورقة صغيرة طلاسم ويضع شعر وعظام ثم يدفنها بنفسه وبعدها يعلمهم بمكانها بعد ما تنتهي مسرحيته؟!! ولو نلاحظ أكثر بنشوف ان مكان الدفن يكون قريب اما في نفس المدينة أو في مدينة يقدر يسافر لها . يعني مثلاً ليه ما تكون مدفونة في الهند؟ << ممكن يقول الهند إذا حبّ يعجّزهم وجاز له الوضع

بعضهم يقول : ان الجني مثلاً يكون هندوسي ! أو يعرف أشياء خاصة عن فلان أو علان !
الرد : ليه ما يتم اختباره حتى تنكشف الحقيقة؟ مثلاً الهندوسي اسألوه عن أمور ما يعرفها إلا الهندوسي وشوفوا وشلون يجاوب ! وبالنسبة لمعرفته بأشياء عن فلان فاسألوه عن شخص ثاني !
المقصود .. ليه ما يتم اختبار المسكون حتى تتأكدون إنه يقدر يجيب شي مستحيل يكون طالع من المسكون؟!

بعضهم يقول : كيف الحرمة تتكلم بصوت رجال؟!
الرد : سبحان الله .. الأوتار الصوتية هي نفس الأوتار والفم نفس الفم .. إذاً الصوت بيكون نفس الصوت ! ومع هول الموقف والخوف أي شخص بيعتقد إنه صوت ثاني مع انه نفس الصوت بس متغير مع الفحيح ! والا ليش الجني ما يتكلم بدون ما تتحرك الشفايف؟ ما يقدر مثلاً؟

نصيحة لكل من يعرف مبتلى بهالأمر ... يذهب به إلى دكتور نفسي وشوفوا كيف يتحسن أكثر من أول ..!
أعرف شخص تغير فجأة وأهله ما خلوا شيخ إلا وراحوا له , بالأخير ودوه دكتور مشهور في أبها وتحسّن شوي لكن مشكلته في المواعيد الطويلة , لكنها أهون من العذاب والسفريات الخاصة لبعض المقرئين !
ما فيه شي اسمه جن يدخل جسم الإنسان .. هي إما أمراض نفسية أو تمثيليات سخيفة !
جربوا العصا والضرب معهم .. هماهم يقولون ما يحسون بالضرب؟ خلاص اجلدوهم جلد لين يحترق الجني وبتشوفون كيف بيكرهون شي اسمه جن !

أخيراً .. ما يهم من يكون زعيم بقومه , المهم إني عارف وش أنا قاعد أقول

دوق فليد .. ما أنكر إن الفضل الأول بعد الله لك في تغيير قناعتي , فلولا كلامك ما كنت راح أبحث عن هالموضوع لأني كنت أعتقد أن هالأمر من المسلّمات !!
لا تحرمنا من هالقلم الأزرق الرائع يا صاحب الفكر المستنير