ادخل في صلب الموضوع بدون مقدمات هذا الكلام موجه لجميع لاعبي الهلال
مو معناتها انكم فزتوا بثلاثة اهداف ان التأهل لنصف النهائي صار بالجيب والغرافة
بيستسلم مثلا ؟ لا راح يلعب عشان يرد اعتباره ويثأر لنفسه ولجماهيره .... اياكم
واللعب ببرود أو استهتار او اللعب بثقة زائدة !! كرة القدم لا تعرف المستحيل
وكلكم تذكرون نهائي ابطال اوروبا عام 2005 بين ميلان وليفربول !!
نبغى نشوفكم المباراة الجاية بنفس الحماس والقتالية اللي اظهرتوها في المباراة
الماضية واذا استمريتوا على هذا النهج فأنا اضمن لكم ان الكأس الآسيوي
في الرياض بعد توفيق الله ومشيئته ...
ان شاء الله رسالتي وصلت وانا ما قلت الكلام هذا الا خوفي من ان
يصيب اللاعبين الغرور ولا يؤدون المستوى المطلوب
صحيح ان مهمة النادي الغرافة القطري صعبة ولازم يسجل اربعة اهداف
لكن توقعوا اي شيء و كرة القدم غدارة على قولة عصام الشوالي !!
رسالة اخيرة لأحمد الفريدي الظاهر مافيه حل الا اننا نحطك في قدر كاتم
ونشب عليك سنتين عشان تتخلص من البرود الي فيك 
يعني صراحة الكورة الانفرادية حقتك مدري شلون ضاعت ؟ الى الحين
ماني مصدق انها ضاعت !!
وأرجوا من ياسر ان يحاول يتجنب ارتكاب الاخطاء
واخذ الكروت ..سيفتقد الفريق لخدماته لو اخذ كرت ثاني
مع انه حرق اعصابي بكثرة الفرص الي ضيعها في المباراة !!
يعني ضيع كور حتى الاحول ما يضيعها لكنه لاعب
مهم ومهم جداً ... بالتوفيق لزعيم آسيا في حصد
اللقب الآسيوي وتحقيق البطولة السابعة ان شاء الله
.
