نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][

أبـو زآيـد · #1635 17/09/2010, 07:09 AM

إقتباس

الرسالة الأصلية كتبت بواسطة THEO WALCOTT


	, تصميم A - del piero - بعد لقاء الأبطال و الطقطقه و المتعه اللي ما خلت لنا شي نتكلم فيه , رأيك بلقاء سندرلاند و هل تفضل اللعب بالطابع الهجومي المعتاد للفريق خاصه ان ملعب الضوء يعتبر من الملاعب الصعبه جدا ً و يرى البعض انو الخروج بتعادل يعتبر نتيجه جيده , ما هي الطريقه اللتي تفضلها لخوض اللقاء ؟ - كارلوس فيلا اللقائين الاخيرين يدخل كبديل و يسجل هل تفضل بدأه للقاء السبت أم تفضل مشاركته كبديل لكي يبدأ لقاء توتنهام يوم الثلاثاء في الكارلينغ . - نقطه حاب تناقشها . نبي ردود طويله يا عيال و اللي بيناقش شي يقولوه

يالله حيهم

والله المباراة الماضية صراحتن ما خلو شيء ما سووه العيال

يا شيخ قسم بالله من جد مسكين اللي ما عنده أرسنال

ومسكين اللي ما يشجع أرسنال ومسكين اللي تفوته متعة أرسنال والكوره من دون المتعة ما تسوى شيء

ومساكين في نفس الوقت جمهور أرسنال

طبعا بالنسبة للمباراة الجاية أو اللي بعدها أو حتى لو لعبنا مع برشلونه الشايب قايلكم ما عندي خطة ب

يعني هي الطريقة الهجومية يبي يلعب فيها أمام سندرلاند ولو تغيرت العناصر

وهذا بصراحة هو الشيء الصحيح إننا نلعب بخطتنا الهجومية لأن سندرلاند مهما كان صعب على أرضه

إلا أنه يبقى أقل مننا مستوى لكن اللي بيفرق عن المباريات الماضية هو إننا ما نطمع في مستوى

المهم الخروج بالثلاث نقاط ولو بهدف وحيد

يعني يا فنجر لا تبالغ في الاندفاع الهجومي وإذا كنت متقدم في الشوط الثاني خلاص العب بمحورين ثابتين

لأنه من المتوقع إننا نواجه صعوبة

بالنسبة لفيلا قاعد يقدم مستوى مذهل وأثبت إنه يحتاج ولو لـ ربع الفرصة اللي أخذها بنتدر < واضح يا ريس

لكن بالنسبة لمشاركته أساسي فـ ما نبي تغير بالتشكيلة في مباراة مهمة مثل هذي .. الأسماء اللي شاركت

المباراة الماضية نبدأ فيها وإذا احتجنا فيلا كـ بديل يطب بغض النظر تماما عن مباراة توتنهام

لأن هذي المباراة مهمة جدا والأهم هو الفوز فيها بأي طريقة أما الكارلينغ فهو أقل أهمية والمتوقع

عدم المنافسة فيه من فنجر لأنه صرح إنه ما يبي إلا الدوري أو الأبطال وبس < يتشرط بعد

فيه نقطة اللي هي بخصوص سمير نصري

سمير دائما يدخل كبديل على الطرف وهذا يفقده نصف قوته وكلنا شفنا في الودّيات لما لعب

كـ صانع ألعاب كيف حصل على نجومية أغلب المباريات ..!

عشان كذا أنا أقول وش المانع إن فينجر مثلا إذا ضمن الفريق النتيجة يخرج فابري

أو ينقله للطرف ويلعب سمير في النصف عشان لو لا سمح الله أصيب فابري يكون سمير

جاهز لهذي المنطقة ..! وأنا أشوف نفس الكلام ينطبق على روزسكي ..!!

يا شباب العيد وقلنا كل عام وأنتم بخير وراح أسبوع الحين عليه

ولا زالت عيون الرابطة ما بعد صحصحت

من النوم مضبوط

يعني نشاط أكثر الله يخليكم وأنا أعترف إني أيضا واحد من المقصرين بس مسألة يا شباب إن الروابط

الثانية تمشي ثلاث أربع صفحات وحنا صفحة وحده هذي تقهر شوي وإلا لا

محمد و رشود مشكورين لبى قلوبكم على ردودكم على موضوعي اللي هونيك