ابو العز

إقتباس والله يا الغالي مستغرب جدا جدا جدا جدا من الاختلاف اللي بيننا على ماركيزيو !!

عادي يقولون تصير مثل الاختلافات مره كل سنه

إقتباس أولا , ماركيزيو محور صح ؟ طيب , المحور وش مهامه ؟ دفاعيه ولا هجوميه ؟

اول شي ودي اوضحلك مفهومي للمحاور بخطة 4-4-2

المحاور تكون متوازنه هجوميا ودفاعيا , واحد منهم يكون دوره دفاعي اكبر والثاني يهاجم ويدافع , طبعا ترجع لتوجيه المدرب
او بالتفاهم بين الثنائي اذا واحد تقدم الثاني يرجع ويغطي

إقتباس كاسانو و بالومبو و المحور الثاني للسامب , ماركي فتح ثغره كبيره بالوسط , و أوجد مساحات كثيره للخصم ! ما أدري وش رايك بالنقطه هذي ومن السبب فيها ؟

سبب الثغرات احملها المدرب وبشكل اقل الاعبين الثلاثة كراسيتش وبيبي وماركي طبعا اغلب الثغرات كانت بالشوط الثاني
الشوط الثاني تقريبا لعب الفريق 4-1-3-2 وبشكل ادق 4-1-1-2-2 كان الفريق يهاجم تقريبا بخمس لاعبين الين الدقيقة 75

ولما تنقطع الكوره تكون فراغات كبيره واكثر واحد مطلوب منه يرجع هو ماركي وبشكل اقل الاجنحه , وهذي يبيلها مجهود كبير ويمكن هالشي اثر عليه بدوره الدفاعي

ماركي كان يرجع مرات يوصل بالوقت المناسب ويتمركزكويس ومرات كان يوصل متاخر ومرات كان يتمشى بالدايره

بالمقابل حتى الاجنحه كانت مساندتهم عاديه للدفاع بس اللي غطى بعض اخطائهم انهم صنعوا الفارق هجوميا

اما بالشوط الاول ماكانت فيه ثغرات كبيره غير بعض الاخطاء بالتمرير اللي سببت انفرادات سواء تمريره ميلو او كواليا او موتا
واتوقع الشوط الاول كان مقيد المحاور وتقريبا كانوا بجنب بعض في فترات كبيره الا بعض المرات كان يتقدم ماركي

إقتباس أما قبل التبديلات فـ مثل ما قلت , المدرب واضح إنه أمرهم بالمسانده للهجوم , لكنها كانت فتره بسيطه يعني

ماتوقع فتره بسيطه , 30 دقيقة الشوط الثاني واخر 10 دقايق بالشوط الاول

إقتباس تراها ثاني مباراة بالموسم هذا

وانت الصادز يالغالي سادس مباره رسميه لليوفي

إقتباس أما بالمباراة هذي اسمحلي , لا ضغط على حامل الكره ولا شيء إيجابي له يذكر دفاعيا وهذا هو الأهم

غالبا كان يظغط في نص ملعبهم واول لاعب يواجه وسطهم , مع ان المفروض فيه بعض الكور ان المهاجمين يظغطون لكن تحصلهم يتفرجون
طبعا ماراح اللوم اليكس اللي زين يركض كواليا كان يظغط وكان كويس منه
فيه فترات تحصل ماركي قدام الاعب بس بدون ما يضغط

اما الاستخلاص او الافتكاك اتفق معك كان نادر يفتك كور من الاعبين

إقتباس خصوصا إنك الوحيد اللي يقول عنه جيد ,

بالعكس في مكان ثاني انواع الشرشحه بميلو ولا احد جاب طاري للماركي
ميلو ماكان سيء لكن فتره الفهاوه اللي مر فيها بالمباراه هي اللي خربت عليه يعني لو كمل اغلب المباراه مثل بدايه المباراه واخرها كنت اعتبره مميز لكن بالمجمل اعتبره جيد

ارجع لماركي كمحور متوازن كان مميز بالادوار الهجوميه وكان عادي دفاعيا مع الاعتبار ان نص المباراه كانت ادواره هجوميه اكثر
لكن بالمجمل اعتبره اكثر من جيد

عموما واضح ان صعب نلتقي في نقطه معينه, لكن في منتدى ثاني حصلت تقييم للاعبين مع اني مااهتم كثير بالتقييمات
لانهم بالنهايه يعبرون عن رايهم وحنا لنا راينا ولا وشرايك ؟

المهم قلت خلني اشوف يمكني مخطي او غفلت عن كذا نقطه لكن التقييمات اسعدتني
شفت تقييم للميديا سات والتوتوميركاتو مقييمين ماركي افضل من ميلو


واعذرني اذا في نقاط ماتكلمت فيها خاصه عن نقطة اكويلاني لان الكلام اللي في بالي كثير واحاول قدر الامكان اني اختصر
لاني لو عبرت عن اللي في مخيلتي يمكن اسويلي معلقه





وهل يخفى القمر , اليساندرو