بسم الله الرحمن الرحيم

ابا اتكلم شوي عن اياكس وبحسب معرفتي المتواضعة لهم ومتابعة بسيطة

لكن قبل ما انسى عندهم لاعب وسط اسيود اسمه ساربونغ اعاروه لخصمنا القادم في
الليغا سويداد وهو لاعب عندهم مستقبل حليل .

==


طبعا اياكس يلعب بطريقة الكرة الشاملة الـ 4-3-3 زي ما هو معروف

في السنوات الماضية كان يعاني من ضعف دفاعي غير طبيعي ومر على الدفاع اسماء
كثيرة فيرمالين - فيرتونجن - فاندر فيل كقلب مع فان باستن وكان اسطورة التنكيب
رجع ياب ستام الصخرة الرائعة لمهم وضبطهم سنة مدري سنتين وشال الدفاع
لحاله واخذ له لقب كاس ولقب كاس السوبر الظاهر لكن الدوري ما قدرو
ومن الاسماء الدفاعية الخطيرة اللي جت الاسطوري اوليجر
اللي صار مع الموسم الماضي لاعب بديل في الغالب .
لاعبين مثل فاندر فيل - فيرمالين - فيرتونجن ضبطو بعد مرات ومرات من التنكيب
على اعتبار اعمارهم الصغيره جدا واللعب المفتوح هناك وعدم وجود القائد والموجه في
الدفاع والفريق كله بزارين موب بس الدفاع .

الوسط
ثلاثي ممتاز مع جية الاقرع دي زوف او دي زيو من آي زد الكمار البديل مع المنتخب
ضبط ايقاع النص وصار المنظم للنص مع امانويلسون خليفه دافيدز على قولتهم
ودي يونغ اشقر معهم حليل موب شين يلعب خلف المهاجمين

الهجوم
سليماني اغلى صفقات الصيف قبل الماضي ... لاعب مهاري وممتاز اشول مهاجم يلعب
على الاطراف .
سواريز اللي صار معروف للكل بعد المونديال .... لاعب يجيد اللعب في الراس الرحبة
وكمهاجم 9 ونص ومهاجم على الاطراف .. عنده مهارة فردية ممتازة .. يجيد اللعب
بكلتا القدمين مع التفضيل لليمنى .. اصبح مكينه اهداف بعد ما راح هونتيلار للريال
وصار اقرب للمرمى .
المغربي الحمداوي: هداف الموسم قبل الماضي ... مهاجم هداف من الدرحة الاولى .. اهم
انتدابات هذا الصيف لاياكس ... وكثير من الاندية الاوربية الكبيرة كان مرتبط فيها خلال
الصيف قبل الماضي بعد ما توج هداف للدوري الهولندي في ذاك الوقت ... اصبح ثنائي
رعب مع سواريز بداية هذا الموسم وبينهم منافسه على جلد الخصوم .

اياكس كفريق بشكل عام كفريق .
فريق يمتلك لاعبين امكانياتهم ممتازة وطموحين للعب بالشامبينز خصوصا بعد غياب عن
الشامبينز من خمس سنوات للفريق.. لكن كامكانيات فردية لكل لاعب وكمنظومة يقودها
مارتن يول موش هذاك الفريق المرعب اللي صوره البعض .. ما ادري اللي خايف من
اياكس هل هي من متابعة والا من اسمه وانه حقق 4 شامبينز ؟ ... هو فريق ممتاز
وموش سهل صح لكن موب بالشكل اللي صوره البعض !
فريق ممتاز هجوميا اقل من متوسط دفاعيا خصوصا مع غياب فيرتونجن المرتقب !
وهالامتياز الهجومي خسر ابرز لاعبيه وقائده سواريز يعني ما بقي شيء كثير
والوسط حقهم ما عنده القدرات الكبير اللي ممكن تتغلب على الونزو - خضيرة - اوزيل
اذا صارو في يومهم مع اختراقات كريس و دي ماريا ووجود اوليجر شبه المؤكد
مع غياب فيرتونجن .
يعني اقدر اشبهه تقريبا مع مارسيليا الموسم الماضي يوم كان معنا في المجموعة
لزخ رايح جاي
مع الافضلية الواضحة لمارسيليا في القوة البدنية , وافضلية نسبية لاياكس في خط الهجوم
اذا صار فيه سواريز .


كولت عليكم ادري لكن خل نختم بكذا نقطة




الاطخم اللي على اليمين لاعب ممتاز كامكانيات على عمره لكن دجة دفاعيا على
اعتبار ان مركزة الاصلي جناح لكن الموسم هذا ماسك الظهير اليسار وعامل ثنائي كويس
مع اللي على اليسار كلاعب وسط متحرك ممتاز اللي هو ايمانويلسون ثنائي يعطي
دعم في النواحي الهجومية لكن دفاعيا لازم يلزق الاثنين مع بعض علشان ممكن يقدرون
يوقفون لديماريا او بنزيما لان انيتا لاعب ضعيف جدا دفاعيا واعقتد اذا ركز على هالجهة
مورينهو راح يلقى ثغرة ممتازة لدي ماريا مع او بنزيما مع فزعة راموس وممكن
اوزيل وخضيرة بعد في بعض التحركات .



ظهير لفت الانظار في المونديال .. لقياقيا ممتاز ويجيد المساندة الدفاعية والنزعة
الهجومية بانظام كبير .. ايضا بالرغم من قدرات الكبير الا انه ماراح يقدر يوقف قدام
الدون ومارسلو الا اذا لقى مساندة من زملاءه .




هذا تشافي حقهم
محرك الفريق ولاعب جيد اذا نشب له واحد من محاورنا راح ينعدم التنسيق في وسطهم .
والخطورة من العمق راح تنعدم .





سليماني لاعب سريع ومهاري جيد راح يتحرك ومنير ينظر الفرص لترجمتها الى اهداف
راح يكون ثنائي موش سهل لكن كارفا وبيبي قادرين على التكتيم عليهم باذن الله
لكن الخطر اذا سليماني ضم مع ايمانويلسون وانيتا في اليسار وهو دايمن يلعب كمهاجم
ايسر . هنا راح تكون الخطورة خصوصا ان راموس ما تضمنه احيانا !
بهذاك الوقت لازم يكون خضيرة قريب وراح يساندهم الجناج الايمن وهذا المتوقع من المو .






غياب الافضل في الهجوم . والافضل في الدفاع راح يسهل اللقاء كثير علينا باذن الله .




عن نفسي اذا الريال دخل بثقة واندفاع معقول مع احترام للخصم اراهن على ان الهولنديين
راح يضيعون خصوصا مع فريقهم الضعيف على مستوى الخبرة والتجربة .


اخيرا

نأسف على الاطالة لكن يوم يوم ابو مبارك طلب فزعة
وشفت سليموفيتش متحمس على اللقاء

قلت لازم نعطيهم قراءة فنية بسيطة للخصم


تحية للجميع