نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

البلانكو10 · #3818 14/09/2010, 02:17 PM

المباره هذي اشوف انها اهم مباره في المجموعه وخصوصا في البدايه ! ..
الفوز على منافس يريد تحقيق المفاجئه في المجموعه امر مهم ! .. منها تبدأ بشكل ممتاز وتبعده عن المفاجئه ! ..

بالنسبه لي خايف من اياكس كثييير وخايف اكثر انه يعقد علينا المجموعه ومراكزها وخصوصا اذا بدا بدايه يشعر فيها انه منافس للمجموعه ! .. وعاد المجموعه مااتتحمل منافس ثالث قوي على اول مقعدين ! ..
عشان كذا اننا نقطعها من بدري معه

ونبعده عن المفاجئه وناخذ الثلاث نقاط مع دفعه معنويه كبيره وبدايه مميزه للمجموعه الاقوى وخاصه ان المباره على ارضنا ونخليه يتفلت على ميلان بعدين

! ..

مانبي نخاطر وتكون مباريات ميلان مصيريه لنا .. نبيها مصيريه لهم ونبيها مهمه لنا

! ..

اياكس كفريق مااتابعته ! .. ولكن واضح انه فريق سريع ويمتلك قوه هجوميه ويحب يمتلك الكره ( كونه هولندي ) .. وبالنسبه لنا اكيد نقدر نجاريه في اسلوبه ونتفوق عليه كمان عشان كذا بنقطع الكثير عليه وبنكسب الكثير لنا وخاصه اذا كان صدق فريق متعود على الاسلوب الهجومي لانه وقتها بيكون اقل بكثير بالاسلوب الدفاعي ووقتها نقدر ندكه مره ومرتين ! ..

الهدف المبكر اشوفه مهم ! .. والاهم من الهدف المبكر استغلال الفرص وخصوصا من هيغواين اولا وكريس ثاني ! ..
لابد تكون عودتهم في مباره اياكس ! .. منها يرجعوا لحس التهديف ومنها يتصالحوا مع الجمهور ! ..

اتمنى من مورينهو انه يشرك بيدرو ليون مكان البنز اذا كان بيلعب بالثلاثي الهجومي ! .. لاني اشوف بيدرو ليون افضل كأساسي من دي ماريا الافضل كورقه رابحه واكيد افضل من البنز حاليا في المركز الجديد ! ..
منها نمتلك جناح حقيقي ونكون مالكين ورقه رابحه ( دي ماريا ) ونكون مالكين مهاجم في الدكه ( البنز ) ! .. مع اني كنظره اشوف ان البنز يقدر يلعب كجناح ويقدر يصير مميز فيه كمان ! .. بس مهو الان ياريت

! ..

انا كل اللي ابيه 3 نقاط .. لو يكشت الفريق كله عند كاسياس والجمهور يقعد يصفر طول المباره ماايهمني اهم شيء نلقط نقاطنا الثلاث

! ..

بالتوفيق ! .. وتوقعي للمباره 3-1 للريال

! .. بيسجل رونالدو 2 وهيغواين 1

( يارب

) ..