|
والله ماهوب منكم ، من حر ما توجسون !
،
يا جماعة الخير انا مستغرب من شي عند بعض الهلاليين
ما غير كل ما طق عود راس عود ، قالوا " وين الوطنية ؟! "
يعني صحيح ان ثلاث ارباع الاندية وقفت مع الهلال في الاسيوية
بس ياخي الباقيين هم احرار ياخي !
وبعدين لا احد يلومهم ، يعني لا جاك واحد
وكل صبح يصبحك بكف ويمسيك بكف ، تهقا تبي تحبه  ؟
وهذا اللي جالس يصير يا جماعة الخير
الهلال ما شاء الله تبارك الرحمن كل يوم احلى من اللي قبله
والنصر الله يزيدهم كل يوم اسوء من اللي قبله
وكل يوم يتمسخرون من ناس جدد
مره من زغبي
ومره من موبابلي
ومره من احصائيات القوة الشرائية ~> الله يذكرك بالخير ي ابو قوة شرائية 
ومره من الاتحاد الدولي للتاريخ والاحصاء
ومره من الوصل وقصة زعبيل
ومره من استفتاءات العالم ، كل استفتاء في العالم جا عندنا ولا واحد فيهم قال انهم الاكثر 
يعني يا جماعة الخير ، لا تشرهون عليهم
والله حالتهم صعبة ومزرية 
قصمن رحمتهم 
لا فريق زي الناس والعالم ، الله لا يغير عليهم
ولا ادارة زي العالم ، ولا مدرب زي الناس
وكل يوم يجيهم كف ما يدرون من وين جاي
وحنّا الله لا يغير علينا الا بالاحسن ، فريق ومدرب وادراة
بالله كيف تبغونهم يحبون الهلال !
وبعدين بالنسبة للشريك الرسمي في الخماسات مع النصر
الاتحاد !
ماا احد حووووولكم ، خايفين نور يتركهم مره ثانية
احسه واقف عن الباب يقول ( اروح اروح هاه تتحدون اورطكم ) 
وهم ما غير يترجون فيه !
والاهلي مبتلش في مدربه الجديد وحالته ماااااااش
لاحظوا كل الفرق عندها مشاكل وكلها لاهيه في مشاكلها الا النصر ههههههههههههه
والله ماهوب منهم من حر ما يووجسووووووون !
،
 | 