تكفى ياسمو الأمير: (علي كريمي) عيونه زرق يعني نضحك على باكيتا ونقول برازيلي !!!!!
بسم الله الرحمن الرحيم
حسب ماقرأنا من إدارة الاخبار أن الإدارة الهلالية تريد إنهاء عقد اللاعب كماتشو
وأعتقد إنه راح تنهي عقد اللاعب باولو ديسلفا يعني مااستفدنا ولا شي منهم اللهم بس خساير فلوس على الفاضي 
يعني لو كان الهلال يعرف مستوى كماتشو بيجيبه ؟؟؟ 
ماأعتقد لكن اللي وهقنا فيه باكيتا ,,,
وغير ذلك كان يلعب بمركز غير مركزه لأن مركزه الأساسي محور والهلال جايبه على إنه صانع لعب !!!!!!
لكن لعيووون باكيتا أحضرناه علشانه برازيلي مثله 
..,, طيب هالحين رااح كماتشو ونقرأ في الصحف إن الهلال يبحث عن لاعبين برازيليين بدال كماتشو يعني ضاقت الدنيا إلا برازيليين أول شي اللاعبين البرازيلين الجيدين كلهم محترفين بأوربا
وثانيا اللاعب البرازيلي يبغاله وقت على شان يتأقلم مع المعيشة هنا يعني يقضي نص الدوري وهوه ماتأقلم..,, المهم مثل مانشوف إن الهلال مشكلته في لاعب الوسط الممول للهجوم الهلالي
وأنا أعتقد إن اللاعب علي كريمي هو أفضل صانع لعب في آسيا في الوقت الحاضر
لاعب من طراز نااادر جدا وصاحب مهارات فردية ممتازة وهداف في نفس الوقت
ومايحتاج لوقت على شان يتأقلم لأنه يلعب بالدوري الإماراتي 
انا أدري إن فيه نااس يقولون إن نادي الأهلي الإماراتي على ماأعتقد مالك بطاقته
وماراح يتخلى عنه
لكن على مايقولون الفلوس تغير النفوس
يعني الأهلي الإماراتي مثل ماشراه بمليون دولار
حنا بوقفة أعضاء الشرف نقدر نشري بطاقته منهم بمليون ونص أو بمليونين
ومثل ماقدرنا نجيب الغنام ب (12 مليون )
ماحنا عجزانين نجيب علي كريمي لو إعاره لمدة سنة لين مايرجع ( أبو بندر بالعافية )
وإذا على باكيتا يأخي نقوله إنه لاعب برازيلي بس عايش بإيرااان وإنحلت المشكلة 
يعني لو تشكيلة الهلال كذا توقعون بينهزم أو فيه أحد بياقف بوجهه :
الدعيع
الجري الهليل تفاريس الدوخي
الغنام
الشلهوب كريمي
التمياط
الجمعان الجابر
الإحتياط : العتيبي - الصويلح - البرقان - المرشدي - الشريده - العلي - فهد المبارك - المطرف- سعد الدوسري
آآآآآآآآآآآآآآآآآآآآه بس لو يلعب الهلال بالتشكيلة هذي ..,,
وسلامتكم ..,,
