تقرير عن حياة لاعب المانيو الجديد بيبي المأساوية (فيس يبكي).
(المصدر بالصورة)
صحيفة الدايلي ميل مسوية تقرير عن حياة بيبي:
قبل ما يسافر لمانشستر , راح لملجأ المشردين في القرية النائية اللي نشأ فيه , ونام فيه عشانه كان يبي ينام مع اخوياه للمرة الاخيرة قبل ما تتغير حياته.
مدير الملجأ قال انه جا وتناول طعام الغداء والعشاء وصافح كل شخص في الملجأ وشكرهم , ونام عندهم ويوم جا الصبح جا شخص من اتحاد الكرة واخذه , كان يبي يودعنا بالطريقة الصحيحة بعد 8 سنوات قضاها معنا , لأنه لولا الله ثم هالملجأ لكان مجرد طفل مفقود.
واضاف مدير الملجأ: هنا تعلم القراءة والكتابة , وتعلم لعب كرة القدم على الملعب الترابي , والحين بيبي ينتقل من الدوري البرتغالي للدوري الانجليزي الممتاز.
ويقول:يوم انه صغيّر , تخلوا عنه ابوه وامه وجده , ثم جت المحكمة ورمته علينا حنّا يالكنيسة وقالت تولّوه , كان على وشك الدخول في حياة الشوارع , وكان ما يعرف يقرا ويكتب , وحنّا خليناه رجال.
وفي نهاية الموسم الماضي بعد ما وقع معه نادي فيتوريا , قال ما ابغى ابتعد عن الملجا , قلت له انت لازم تروح وتكمل حياتك , قام يبكي وقال انت تبغى تتخلص مني   , لكنّي قلت له لازم تصير شي كبير في العالم , ابيك توصل لريال مدريد.
ويوم كان في المعسكر الصيفي , جانا مسافر لمدة 200 كيلو , وقال لنا ليش جاي , تسائلنا كيف بتكون حياة بيبي؟ من اول كان يعيش في عنبر فيه 15 سرير , والحين له غرفة نوم خاصة , تمنينا ان يكون مانشستر النادي المناسب.
وحاولت جدته توفر له بعض الاستقرار بس حياته كانت صعبة , خصوصا بعد اختفاء والديه.
انتقل لنادي الهواه , ولعب لهم من اربع سنوات بقيمة 16,000 يورو , وساعد فريقه في ذاك الوقت , وبعدين انتقل للمانيو , وبيستلم 12,000 جنيه استرليني اسبوعيًا , متأكد ان حياته بتتغير.
 
المكان اللي نشأ فيه الان.
ويقول مدير الملجأ ان ناديه اللي كان فيه كان على وشك الافلاس في آخر خمس مباريات.
ويوم وصلني خبر انه راح المانيو , ارسلت لمدربه رسالة مكتوب فيها: شكرًا لك.
انا متأكد بأن الجماهير في مانشستر ستنتبه إلى ان لديه مهارات تختلف عن بقية اللاعبين , كما انه قوي بدنيًا , انا متأكد بأنه سيكون رونالدو الجديد.
واضاف: يعني يوم انه انتقل من الملجأ لناديه القديم تسببت له صدمة , وشلون لا انتقل لمانشستر؟ , اصبروا عليه شوي.
مدربه القديم قال: ما كان معه فلوس , كان هو الوحيد اللي في غرفة خلع الملابس له قميص واحد وحذاء واحد.
يقول: لكن من شدة تميزه كنا نميزه عن غيره من اللاعبين , اذا توقفنا عن صرف رواتب اللاعبين كان هو اللاعب الوحيد اللي نعطيه راتبه , ولكن بسبب ازدياد الازمة المالية ما قمنا نصرف له.
ويقول: وراكم مستغربين العضلات ؟ اكثر واحد يقضي يومه في الصالات الرياضية للنادي هو بيبي , بس بعدين اضطرينا نبيع ادوات الصالة لتسديد الديون
ملعب فريقه.
وكمل مدربه: كان فريقنا كله 4 موظفين , يعني ما كان عندنا اخصائي تغذية والا شي زي كذا , بالعكس بيبي تسمم مرتين , بس كان مثل الجوهرة , مثل الالماس بالنسبة لنا.
<_ يبكي بعد ما كمل الترجمة لمن لا يعرف بيبي برتغالي , يبلغ من العمر 20 عامًا  , يلعب كجناح ووسط متقدم , تعاقد معه السير بـ 7,4 مليون جنيه استرليني قادمًا من الدوري البرتغالي.
واستدعي قبل يومين إلى المنتخب البرتغالي تحت 21 سنة.
مقطع يحكي شيئًا مما يمتلكه من مهارات:
قصروا الصوت , ترى المقطع فيه موسيقى.
اخر تعديل كان بواسطة » ذآيب في يوم » 02/09/2010 عند الساعة » 05:53 AM |
