31/08/2010, 12:17 PM
|
 | زعيــم نشيــط | | تاريخ التسجيل: 24/12/2006 المكان: قلب سامي.
مشاركات: 556
| |
"
"
بـ النسبه للنقاش اللي صاير بـ سالفة الاصابات ..
طبعاً كلنا مؤمنين انها في الاول والاخير " قضاء وقدر " اكيد .. لكن المُشكله انها كثرت عندنا ..
وهذا اكيد انه لـ سبب بعد قضاء وقدرة الله ..
انا ما راح اكون خبير فيها اكثر من فلورنتينو وبعض الشباب اللي هنا ..
لكن واضح ان السالفه مو سالفة جهاز طبي .. اول شيء ان الجهاز الطبي تغيّر ولا زالت الاصابات تلاحقنا .. والسالفه مو صدفه مو معقوله كل موسم 20 لاعب يُصاب وصدفه ! ..
والسالفه ايضاً مب من اللاعب نفسه .. لانه كان عندنا سنايدر والرود 24 ساعه مصابين ويوم طلعوا ما جتهم اصابات ابد ما شاء الله .. وبرضه كريس قبلنا وشلون كان وعقب ما جانا ..
"
معناتها في خلل والمشكله غير الشيء هذا ..
وانا بـ النسبه لي مقتنع ان السالفه سالفة اعداد بدني ولياقي .. والبلا بـ معسكر الفريق قبل بداية الموسم ما كان فيه اعداد بدني على اكمل وجه ..
وبـ اضرب لكم مثال بسيط صار عندنا بـ السعوديه ..
يؤكد ان الاعداد البدني والاعداد بـ المعسكر هو السبب ..
موسم 2008 / 2009 " الموسم قبل الماضي ..
كان المنتخب معسكر قبل بداية الموسم .. واللاعبين الدوليين كلهم عسكروا مع المنتخب ولا عسكروا مع انديتهم ..
ولو نتذكر الاصابات اللي صارت لـ اللاعبين الدوليين فقط في ذاك الموسم .. " احمد الفريدي ، عبده عطيف ، سعد الحارثي ، نايف هزازي ، ياسر القحطاني ، ماجد المرشدي ، عبدالله الزوري ، صالح بشير ، مالك معاذ ، سعود كريري ، ماجد العمري " ..
يعني 11 اسم بس اللي اتذكرهم مرت فيهم الاصابات .. وتقريباً الـ11 لاعب هذولا من 6 انديه .. و العامل المشترك الوحيد فيهم انهم كلهم كان معسكرهم مع المنتخب قبل بداية الموسم ..
وفي المقابل موسم 2009 / 2010 " الموسم الماضي " ..
الشباب كان الفريق الوحيد اللي يعاني من اصابات " وشكل مشكلته كانت مثل مدريد حالياً  " .. بينما باقي الانديه كانت حالات بسيطه ونادره جداً ..
ولو نضرب مثل بسيط عن بطل الدوري مثلاً الهلال ..
نشوفه كانت مشاركاته كثيره جداً وتقريباً شارك بـ 4 مسابقات بـ الصف الاول .. بـ المقابل جته اصابتين بس تقريباً " ما شاء الله " اللي هي كسر يد ويلي واصابه مالها علاقه بـ كرة القدم + كسر اصبع ياسر ولا طول ورجع على طول ..
فـ الموسم الماضي ما كان فيه اصابات كثيره مثل الموسم قبل الماضي ..
والسبب اتوقع واضح لي ولكم انه الاعداد كان مع الانديه نفسها مو مع المنتخب .. يعني موسمين ورا بعض ، الموسم الاول مليان اصابات ، والموسم الثاني كانت الاصابات قليله جداً ..
ولو نشوف الفرق بين الموسم الماضي و الموسم قبل الماضي " بـ النسبه للاعبين اللي جتهم الاصابات " ..
" كلهم كانوا معسكرين مع المنتخب في الموسم الاول ، و الموسم الثاني معسكروين مع انديتهم " ..
"
احس اني طولت .. لكن هذا شيء كان بـ داخلي ..
لاني اشوف ان السالفه واضحه وانه بس اعداد بدني قبل بداية الموسم ..
سي يـّا  ..
|
