إقتباس الرسالة الأصلية كتبت بواسطة بطولات زعيم ANA MADRIDI و M A D R I D المشكلة ما وصلكم قصدي من الرد ورديتوا بمفهومكم .. تدرون طيب ليش جانا مورينهو وفيه برشلونه بالدوري كان قعدنا على بليجريني وبيفوز لنا على مايوركا ذهاب واياب احسن القصد قراءة الفرق المنافسة وانسجام الفريق .. ولو شفتوا للفريقين اللي تعادل معها الانتر مهيب اليوفي والا ميلان والا روما .. فارحموا عقولنا من النقاش عن فريق قوي معنا بالدوري الفريق القوي تعثر امام الميريا و الانتر بعشر لاعبيين حسب ما قال مورينهو .. يعني عشان تكون منظومة لازم ياخذ وقت كم مرة اعيد واقول ( برشلونه قاعد يبني منظومة من 2003 وما تأقلم سنة 2005 وهي السنة اللي سبقت الاندماج الفكري للفريق خسر من ملقا 5/1 وخسر من فريق يوناني في بطولة كأس اوروبا يا ناس حتى ما لعب بدوري الابطال بس العقلاء عرفوا ان فريقهم يبني منظومة وصبروا حتى وصل الى هدفه ) يعني الصبر والتحلي بالحكمة والنظر الف مرة في قصد الكاتب قبل الرد على مفهومك الشخصي واذا لهالدرجه خايف من البرشا وعاجبك اسلوبهم ليش مجبر نفسك على الريال ؟؟؟ هالرد من مفهومي لردكم اذا مشيناها مفهوميات شخصيه

ابوأصيل ولايهونون الشباب
نكون واقعيين وصريحين مع انفسنا قبل أي شخص ثاني وقبل لانرحم عقولكم من النقاش عن هالفريق القوي ولانكون متعصّبين وبس .. مورينيو انتر اللي تعادل بمبارايتين وجاب الدوري كان ينافس مين ؟ بدون تقليل من حجم يوفي وميلان وروما .. بس ولاواحد من هالفرق الثلاثة يشبه او يقارب او فيه لمحه من برشلونة .. برشلونة يعتبر من أقوى الفرق وامتعها في العالم بشهادة المنافسين قبل المشجعين .. والمنافسين لنا في الدوري مين ؟ .. فالنسيا اللي طلع اهم لاعبينه والااشبيليه والأخير توه مصقوع بهاتريك لميسّي .. ماقلت برشلونة إلا لأأني اعرف انه فريق مو سهل يفرط بالنقاط زي مانفرط احنا ... بشكل عام الفريق الكاتلوني قوي هجومياً و متكامل وعززوا قوتهم الهجومية اللي أساساً ماهي ناقصة احد بـ افضل مهاجم في العالم من وجه نظري حالياً
نكون منطقيين زي ماقلت سابقا .. فريق زي كذا , تتوقع يفرّط بأي نقاط ..؟
مااعتقد .. لذلك انت المفترض .. وهنا اقول المفترض .. لأني مااطالب بهالشي
لكن المفترض انك ماتفرط بأي نقاط .. لان منافسك فريق صعب جدا يفرط بنقاط مبارياته

بالنسبة للإستمرارية .. انا انسان داخلي كنت أتمنى إستمرار بيليقريني , حتى لو كان الخيار المقابل مورينيو .. لأن الإستمرارية اللي انت تتكلم عنها يابوأصيل كلنا تهمنا وهذانا لنا 6 سنين مدري سبع ماعدينا الـ 16 وصرنا تصنيف ثاني في البطولة اللي احنا اسيادها وش المشكلة لو صارت 8 سنين بدال 6 .. بس تبني فريق وهويّة للفريق اللي انت تلعب فيه وبعدها تاكل الأخضر واليابس .. مدرب جديد كل سنة , لاعبين جدد , وتغييرات جديدة .. بعذر اللاعب لو ضاع , لأنك كل سنة تجيب له واحد بطريقة مختلفه وبأسلوب مختلف , لكن هالمرة حسب مافهمت ان شاء الله بيستمّر مورينيو ع الأقل موسمين او ثلاثة .. وسبق وقلت اني مااطالب بشي هالموسم الا مستوى كويّس , ودور الـ 16 .. وان حصل رقعه الميلان ..

إقتباس الرسالة الأصلية كتبت بواسطة M A D R I D بكرة ان شاء الله بداية موسمنا اللي بكل منطقية وواقعية مااطالب مورينيو فيه الا بحاجاتين بس والثالثة هديّته لي .. الأولى المستوى المقنع اللي يبشّر بموسم لاحق نكوّش فيه على كل شي .. والثانية نعدّي دور الـ 16 الملعون , والهدية دفسّه ميلان رايح جاي

وبالعكس ماحكمت ولاقلت شي عن المباراة نهائياً لاني ماالومهم ولاالوم المدرب ولااألوم الا هيجواين وانانيته الزايدة وكريس وحبه للإستعراض .. لكن الموسم الجاي هذا اللي انا أبيه , ياخي مليت وانا ادفع فلوس وأضيع فلوسي ومدربين ولاعبين وووو .. وآخرتها ينتهي الدوري وماسويت شي واطلع بلوشّي من دور الـ 16 .. صحيح ان مورينيو خبل , ويمكن يلخمنا ونشخّص بـ ويمبلي لكن واقعياً ومنطقياً ماانتظر وين نوصل الموسم هذا .. المهم الموسم الجاي
جزئية وش مجبرك ع الريال .. ؟؟
بحترم عقلية القارئ ولاراح أعلّق



تمسّون ع خير