أول حاجة وقبل كل شي ،، عيب .. عيب يا عيال تراكم تتكلمون على زميل عزيز موب كل ماطاح لاعب من لعيبتكم القزاز تقطون اللوم على الجهاز الطبي ،، الدكتور دياز رئيس العيادات الطبيه بعيادة ساينتس لاموراليخا من اكفئ الأطباء في العالم .. وهذا كلام من جد يا عيال منب اتريق فيه .. المشكلة الكبرى ممكن تكون بالفريق الطبي الي يرافقه والي يعملون التشخيص الأولي الي بناء عليه تقدر حالة اللاعب .. ومن الأخير مافيه طبيب بالعالم ما يخطي مرة بتشخيص الحالات لأن الي يدرسه طالب كليه الطب يختلف 180 درجة عن الحالات الي تواجهها في المستشفى .. وهذا كلام من تجربة بسيطة وتطبيق كم يوم في المستشفى مع حالات تخص الشيء الي ندرسه لكن لما نجي نعمل التشخيص نكون غلطانين بنسبه كبيرة فيه .. على كلام اغلب الدكاتره ان هالأمر يميز الدكتور الي يعرف يجمع بين الي درسه وبين الحالات الي يشوفها في المستشفى عشان يطلع بتشخيص سليم .. وغالباً التشخيص مايكون صحيح 100% للعلم فقط حتى لو تم علاجه ،، فكرت شوي وتوقعت ان الخلل من جهاز الأعداد البدني اولاً .. لو نشوف اصابات اغلب لعيبتنا بسبب ضعف العضلات ومع اي ضربة قوية تٌورم العضلة وتصير كدمة .. ممكن هذا سبب رئيسي في مشكلة الأصابات .. الي ممكن يعطيه البرائه ان هالمشكلة مستمرة من فترة مش قصيرة .. وجهاز الأعداد البدني اتوقع انه جديد وجاي مع موري والعام نفس الحكي لما جبنا بيللغريني ومع كل مدرب يكون فيه جهاز اعداد جديد .. المشكلة الثانيه تكون من الجهاز الطبي المرافق لـ الفريق والي غالباً يصعب عليه تشخيص حالة الأصابة لذلك نشوف بعض اللاعبين يكملون المبارة وكن مافيهم شي وهذي لو كانت صحيح موجودة بتكون اكبر مشكلة تواجهنا لأن موضع الأصابة يلزمه راحه ولما تعطي مجهود كمان ممكن تتفاقم الأصابه على اللاعب وتطول مدة الغياب اكثر .. الشيء الثالث يكون من اللاعبين .. اقرب حالة لكلامي هي متش امس .. كريستيانو دخل في التحام قوي وقام وهو يعرج .. شفته يأشر للبنش انه يقدر يكمل واتوقع للأسف ان هذا سبب تفاقم اصابته لأنه يبغى يلعب وما يبين الأصابة عشان المدرب ما يطلعه من الملعب .. هالكلام كثير مايصير مع اللاعبين وللأسف يأثر على مستقبلهم المهني في كرة القدم .. ابسط مثال اندريس انيستا لاعب البرسا .. كان راجع من اصابة قبل السيمي فاينل مع تشيلسي .. لعب المتش وكله اوكي .. قبل النهائي مع المانيو جاته اصابة .. لكنه اصر يلعب النهائي ويتحمل آلام الاصابة .. النتيجة وش كانت ؟! .. بعد المبارة غاب عن فريقه 4 اشهر على ما اظن وكان كل ما يرجع من اصابة تجيه اصابة ثانيه وكان موسم محسوب عليه لأنه مالعب مباريات كثيره مع فريقه والأصابات تتوالى عليه في الوقت الي فريقه كان يحتاجه فيه .. نتيجة متوقعه لمخاطرة غير محمودة العواقب . نقطة اخيرة قبل ما اختم الرد .. قبل موسمين كان مدير العيادات الطبيه في سانيتس لاموراليخا هو الدكتور والتر دي سالفو ومعروفه كفائة هالدكتور و السمعه الطيبة له .. مع ذلك الكثير اعتبره راس البلا والمتسبب الأول في الاصابات المتواليه على الفريق لأنه ما يعرف يشخص اصابات اللاعبين والكل يتذكر الفترة الي لعبنا فيها الكلاسيكو في الكامب نو بنقص 9 لاعبين اساسيين .. بعد هالفترة تغير والتر و وصل الدكتور كارلوس دياز .. والمشكلة لازالت مستمرة !! .. صدقوني المشكلة مش مسؤوله عنها جهة وحدة .. هي مشكلة الفريق الطبي و الجهاز الفني سوا ولازم يعلمون تحقيق فيها ويكتشفون مكمن الخلل فيها .
