نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][

هلالي & ارسنالي · #862 19/08/2010, 06:26 AM

,,

السلام عليكم ورحمة الله وبركاته..
حياا الله جميع الآرسناليّه

..

بداية ً.. أحب أبارك لكم بالشهر الكريم

الله يعينّا على صيامه وقيامه ..
متأخرين شوي

.. بس عاادي ..

واتشرف إني أكون معكم عضو جديد في الرابطه .. وإن شاء الله نفيد ونستفيد ..

أيضاً .. اشكر أخوي أحمد

(ALROD ALONSO) اللي خلاني أتحمّس وأجي هناا

.. < الرابطه في المفضله صارت!

معكم انـسّ

مشجع آرسنالي من تقريباً 2004-2005 .. ساكن في الرياض

فنجر اللي خلاني أشجع آرسنال ..

وقبل لا أقرا صفحات الرابطه ودّي أتكلم أولاً شوي عن الميركاتو هالسنه ..

صراحة وضع الآرسنال للحين ماتقدر تقول .. قفّلنا خلاص !!

بالنسبه لكوسيليني

كـ أول مباراة في الدوري الإنجليزي وقدّام الليفر وفي الإنفيلد .. أثبت مبدئياً إنه رجّال

يعتمد عليه .. اجتهد كثير وكان مركّز .. شوي شوي يتفاهم مع فيرمالين

أكثر .. ويصير الوضع تمام ..
لكن المشكله في البدلاء ( فيس قافله معه ) ..!!!
من بدلاء قلوب الدفاع ؟؟ اقصد اللي مركزه اساسي قلب دفاع .. مابي شغل الترقيع سونج وإلا سانيا قلوب .. !
ما عندك إلا دجورو بس ! اللي ماتضمن تجيه اصابه أو لا ..
سيلفلستر راح وكامبل لحقه وسنديروس برضو ! ضروري فنجر يجيب قلب دفاع زياده .. ويكون يرضى بالدكّه .. وفاهم الدفاع شويّ ما أطلب أكثر !!!

الشمّاخ ماعليه خلافّ

.. راس حربه تقليدي بطل ّ! ومن الصفقات اللي تضمن نجاحها علطول .. في ظل المعطيات ..
اصبر خل يجي سيسك

وتشوف الطقطقه صح .. إن شاء الله

بالنسبه للحراسه

من يوم ما راح ليمان .. وحنّا حاطين يدينا على قلوبنا ..
وضعها مؤسف صراحه ..
المونيا الهيس! مدري وش يبي من الدنيا ؟! ماتدري هو الحارس الخقق وإلا الزلابه .. !!! .. تشوفه مباراة بطل وتقول هذا مفروض بدال كاسياس .. لكن ينكب نكبااات مب صاحيه .. اللي أعرفه إن الحارس يعطي الأمان .. هذا العكس تقمط لا لعب ..
الأكيد ..فيه أخبار كثيره ربطتنا بـ شوارزر .. تقريباً اشوفه خيار حلو .. بس عساه يجي .. لأني أفضل قيفن ! ياليييته يجي .. هذا اللي يسمونه حارس استقعااااد

..

الزبده .. نبي ( حارس + قلب احتياط زياده + إذا جاء محور بديل لسونج ماعندي مشكله

) ونقفل ع السوق ..

هذا اللي عندي اليوم! معليش كاني مسكت خط .. اعذرونا

وبرب .... بدور فيس الرابطه اشوف وش الوضع

لي رجعه كان الله كتب..

,,