السؤال 1 :: ايش توقعاتك للتعاقدات خلال الاسبوع القادم ؟

مايكون

السؤال 2 :: ايش امنياتك للتعاقدات ؟

مايكون

السؤال 3 :: تتوقع بهاليومين فيه مفاجأة ؟

مايكون

السؤال 4 :: هل شعرت بتغيير لطريقة لعب الفريق مع مورينهو؟

مايكون خخخخخخخخخخخخخخخخخخخخخخخ ..
مؤيد مااتحس ان الاسئله الثلاث الي قبل كلها تشبه بعض خخخ ..
بالنسبه للسؤال الرابع ..
اتوقع انه لسه بدري على الحكم ! .. بس واضح على لمسات مورينهو في طريقه اللعب ! ..
من استخدام الاطراف الى الضغط المكثف الى التركيز العالي في اوقات الضغط والدقائق الاخيره ! ..

مؤيد احبك




كعموم .. الظهير لاعب مدافع ! ..
ومدامك مميز في الهجوم ومقبول دفاعيا ماايشفع لك انك تكون في المركز ذا .. لانه بأختصار مكان مدافع ! ..

مارسيلو لاعب مميز وموهوب ! .. لكن لو اراد انه يكون الظهير الايسر للفريق فلازم انه يشتغل على جانبه الدفاعي كثير ! ..

كتكتيك وكخطط وكمنظومه ممكن تخفف على مارسيلو كثير من جانبه الدفاعي ! .. ولكن يبقى في الاخير مواجهات 1-1 وقتها طبعا مااينفع معك الا مهاراتك الدفاعيه ! .. وخاصه انك في اكثر مركز تواجه مشكله المان تو مان ! .. ولو مااحليت المشكله ذي بالنسبه لك ماابتنفع ابد كظهير يعتمد عليه ! .. ممكن تمشي في بعض مباريات ( وياكثرها في الدوري ) ولكن في مباريات الحسم والكبيره بتكون النقطه الاضعف في الفريق والي بتنضرب بها ! ..

عموما كنظره ! .. اشوف مارسيلو قابل على التطور بنسبه كبير وسريعه في موضوع الامور الدفاعيه ! ..
الاعب يعتبر مقبول الى جيد دفاعيا ! .. يعني انه يعطي مؤشر على انه يمتلك شيء فيها ! ..
الاعب فقط يحتاج الى توجيه من مورينهو ويحتاج انه يكون اكثر تركيز ذهنيا في المواجهات ال 1-1 ! .. ومع الاثنتين ذي وشويه تمارين الاعب بيكون مختلف كثيرا عما شاهدناه في الامور الدفاعيه ! ..
وطبعا مع نظام الكره الشامله والدفاع كمنظومه وككتله واحده بتكون الامور اسهل على مارسيلو بكثييييير وبنشوفه بشكل اخر ! ..

بالنسبه لي متفائل بمارسيلو وبأنه بيكون افضل دفاعيا وخاصه لو اشتغل كثيرا على موضوع التركيز الذهني وهو في حاله الدفاع ! ..
لان كلنا نعرف في الكره ان اكثر
وقت ممكن يخسر فيها الاعب المهاري الكره تكون غالبا امام لاعب مهاري مثله ! .. لانه كلهم قريبين من ناحيه الفكر ! ..
وهذا الشيء موجود في مارسيلو لكن برضو يحتاج الى شغل كبير وتركيز ذهني اكبر ! ..

عموما الفريق واضح انه مهو ناوي ابد على شراء ظهير الايسر ! .. والظاهر ان مورينهو اكتفى بالموجودين ( مارسيلو واربيلوا ) ..
لانه لو تلاحظون فيهم بتلاقون انهم يكملون بعض ! .. الاول هجومي والثاني دفاعيا ! ..
وممكن مورينهو فكر وقال ليه اطمع واجيب ظهير يملك الخاصيتين الاثنتين وانا عندي لاعبين وكل لاعب عنده خاصيه منهم ومقبول بالخاصيه الثانيه ؟! ..






انا اشوف ان مسأله الظهير الايسر واي منهم رايح يلعب سواء من مارسيلو الى اربيلوا تعتمد على حسب قدوم مايكون ! ..

طبعا الحين يجيك واحد ويقول وش دخل ذا في ذا ..
بالنسبه لي قدوم مايكون بيحدد الكثير من شكل العام في التركيبه الخلفيه وخط الدفاع في الفريق ! ..
بقدوم مايكون راموس بيكون كقلب وأغلب الظن ان اربيلوا بيكون هو الظهير الايسر للفريق ! .. لان وقتها انت بتكسب مفتاح جديد لقوه الفريق من جهه الظهير الايمن ! .. لاعب قوي هجوميا وقادر على خلق الفرص والي يميزه عن راموس ويجعل خياره افضل انه لاعب حاسم وقادر على انه يقلب لك مستوى فريقك ونتيجته ! ..
وطبعا عشان تعطيه قوته وماتكبله لازم يكون الظهير الاخر محافظ اكثر ( زي اربيلوا ) عشان الاول يكون مدمر وناري وحر ! ..
كمان ممكن مورينهو يستخدم نظام المناوبه بينهم ( اربيلوا ومارسيلو ) على حسب الخصم الي امامك ! .. زي ماكان يعمل البرتغالي مع الانتر ! ..

لكن في حال عدم قدومه اشوف ان مارسيلو بيكون الظهير الايسر بالشكل الغالب ! .. لان وقتها بنعوض قوه مايكون المدمره في الظهير الايمن بقوتين من الجهتين وحده من راموس والثانيه من مارسيلو ! ..

طبعا بالنسبه لي اتمنى مايكون بشكل كبير ! ..
لانك بتكسب مفتاح لعب جديد وراموس كقلب دفاع .. وايضا حتى انك ممكن تلعب بشكل الظهير الايسر الي بتقدر تغير فيه تركيب وتكتيك دفاعك بوجود مايكون ..

واسفين على الاطاله خخخخخخ ..

همسه :

يزيد .. لو مااعرفك كان قلت ذا عايش في شبرا خخخ

ابو يوسف .. اما عنتر ذكرتني بلقب جدي خخخ .. طبعا اللقب مهو جاي من بطوله ولا شيء اللقب جاء طال عمرك من اللون خخخخ ..
وايه على الطاري .. ترا اسم اخوي مهو بعيد عني ..
اسمه سفيان ( تراه يستحي من اسمه وحتى اني حاس انه بيكذب وبيقول اسمه خالد خخخخخ ) .. لا تسأل وتقول وش جو ابوك خخ مدري الله يهديه ويطول بعمره وش كان يحس فيه يوم سمانا كذا

زاهر .. خلهم يعلمون على وجهك حقين الوحدات عشان تتوب ولا تروح ثاني ..

فيصل يالخايس لا تكثر يدك على الابتسامات لا اكسرها لك .. محنا بناقصين انهم يوقفون الخدمه < متأثر بالبلاك بيري خخ

ايه صح ولكم باك عبدالاله قاهر وملكي ..
اسامه وسهلب .. تشرفنا بكم ..

احس اني طووووووولت كمان بالهمسه خخ .. لا تخافون ماني راد شهر قدام خخ

بس نختمها بـ
بكل عام وانتم بخير ورمضان كريم علينا وعليكم ..