09/08/2010, 10:37 PM
|
| زعيــم جديــد | | تاريخ التسجيل: 23/07/2010 المكان: Royal Commission Yanbu
مشاركات: 33
| |
مبروك على الجميع قرب الشهر الفضيل
والله يتقبل من الجميع صيامهم و قيامهم
هو يا الاربعاء أو الخميس بإذن الله, أتمنى يكون الاربعاء اول يوم في رمضان ولو إننا راح نتعب مع الدوام
لكن رمضان له وحشه كبييييره ..
نجي للكوره والريال واشياء كثير صارت في اليومين اللي فاتت الواحد يقدر يتكلم فيها شويه..
بعيدا عن اصابة بيبي و الرفض المؤقت "صحفيا" لـ قدوم مايكون...
في كلام مهم قاله مورينهو وماشفت فيه ردة فعل مثل ماكنت اتوقع من قبل الرابطه هنا..
شوفوا ايش قال مورينهو
 | إقتباس |  | | | | | | | | | |
" الامر المهم الذي يفعله ايجوايين هو تحركاته في الملعب ، فهي تنم عن مهاجم ذكي جدا ، ممايسهل على اللاعبين الذين يلعبون ان يمررو له نتيجه تحركاته خلف المدافعين التي تفتح مساحات يسهل التمرير له من خلالها " | |  | |  | |
مع الشكر لـ الذهبي في كل مكان خالد
كلام مورينهو مو جديد ابدا, والمعلومه هذه نعرفها من الموسم الماضي
لكن أن تأتي من مدرب بـ حجم مورينهو ترى تفرق ..!! وتجعلك تغير من نظرتك لـ هيغواين !
شخصيا كل موسم تتغير نظرتي لـ هيغواين ...للأفضل
من طعس مايعرف يستخدم موس حلاقه, الى لاعب مجتهد وله مستقبل, الى منقذ, ثم الى هداف درجه اولى..!
الان نقدر ننظر لـ هيغواين بـ أنه المهاجم اللي تقدر تعتمد عليه كليا في جميع المسابقات
وتنتظر منه الكثير كـ مهاجم لـ ريال مدريد......"شفتوا ازاي عيالنا بتكبر "..
هيغواين مو بس هداف وبس.. الا مهاجم حقيقي يعرف كيف يتحرك ويتمركز بدون كوره
ويعرف يتصرف لما تكون الكوره بحوزته, يعرف متى يمرر ومتى يراوغ ومتى يسدد..!
هدفه الخرافي امام L.A. اللي كان وسط مساحه ضيقه لكنه عارف يدبر نفسه ويسدد بطريقه
تدل على إنه لاعب يعرف يقتنص انصاف الفرص..ومهاجم قادر إنه يقلب نتائج ويعمل فرق في الملعب..
كلام مورينهو واضح انه مو بس مدح مدرب للاعبه, التفاصيل وطريقة الكلام اللي اتبعها مورينهو
تدل على انه فعلا شايف المهاجم اللي امامه وإنه يستطيع يعتمد على ذكاء اللاعب في التسجيل وضرب الدفاعات المنافسه.
الخبره اللي اكتسبها هيغواين مع لعبه في الريال وانقاذه للفريق في عدة مناسبات في موسم 08-09
و لعبه لـ كأس العالم اللي مباراه فيه تسوى ربع موسم مع اي نادي, كل هذه الامور وأكثر ساعدت هيغواين
انه يكون المهاجم اللي نشوفه اليوم, وواضح انه عنده الرغبه الشديده في تحقيق الكثير مع الريال
وروحه الكبيره اللي دايما نشوفها في المباريات, ولو تراجعوا اهدافه في موسم كابيلو راح تعرفوا فعلا
ليش زاهر اقترح انه ممكن البيبيتا يكون خوانيتو الجديد... ليش لأ يا زاهر..
اشوف روح بيبيتا وحبه للفريق مايقل ابدا عن حب وروح كاسياس..
أتوقع الموسم هذا انفجار كبير وكبير جدا لـ هيغواين, مع اربعه مدربين في اخر 4 سنوات والان نشوف هيغواين
بـ هالصوره الكبيره, كيف لو وراه مدرب مثل مورينهو قادر انه يجعل من موتا محور ممتاز وفعال!!
هيغواين فقط يحتاج للقليل من التوجيه وراح يكون جاهز لـ نسف شباك اكبر حارس من بعد كاسياس .
مع إني كنت من الموسم الماضي انتظر الظهير الايسر اللي راح نتعاقد معاه
لكني بدأت اتراجع عن رأيي, واسباب كثيره اثرت في هذا التغيير.
طبعا غير إنه مافي ظهير ايسر متاح بسعر معقول في هالفتره, كورلاف و كوينتراو كلهم ممتازين
لكن انديتهم وطلباته ترج الواحد, ومورينهو ماراح يترجى احد عشان يقبلون عرضنا!
لكن السبب اللي يخليني اقتنع انه مانحتاج ظهير ايسر هو مارسيلو وقدرته على ملئ هذه الخانه
صح إني ماراح اسامحه على الشوارع اللي صارت بـ حلبة السانشيز بيزاخون مع السلقلق اشبيليه  زاهر
لكنه من بعدها تطور فعلا, ومع من..؟ مع بيليغريني..! الولد صار يمسك مركزه تمام وقادر يدافع ويهاجم بكفاءه عاليه
ومع نهاية الموسم الماضي شفنا مارسيلو مميز, صح انه اغلبها قدام فرق متوسطه لكن شيء يبشر بالخير..
مورينهو إن اعطاه الثقه راح نشوف ظهير ايسر ممتاز دفاعيا وهجوميا, الولد فقط محتاج ثقه ويكون وراه
مدرب يعرف كيف يستثمر مواهب, والفريق متخم بهالمواهب, حتى غرانيرو ودرينثي مواهب لكن يحتاجوا
لـ شغل اكبر بـ كثير من مارسيلو او غاغو...عموما مارسيلو قادر انه يمسك الجهه اليسرى بكل كفاءه
بس خلو مورينهو يعطيه الفرصه, وماراح نحتاج لا كوينتراو او غيره....
زاهر
وإنت رايح الملعب خللي القطله معاك إن صار شيء ولا شيء
مانبغا نشوف هالوجه الحسن مفقع اليوم الثاني
"هذا اذا عرفت القطله ايش هيا اصلا" |
