بـ النسبه لـ قاقو .. احسكم تحاملتو عليه ياشباب .. شوي !! لـ درجه ان بعض الشباب يبونه ينباع
الموسم الماضي انا كنت حاط يدي على قلبي الين سكر الميركاتو الشتوي عشان ما يطلع
قاقو لـ مان سيتي !! صدقووووووني لاعب موهبته وااااضحه جدا .. وحماس وقتالي !!
في نقطه تعجبني في قاقو .. وحتى لو شفتو مقاطع له راح تلاحظونه و تتذكرونها
اكثر لاعب يفتح لـ حامل الكوره من فريقنا هو قاقو !! اللاعب ذكي جدا وعنده موهبه
وتوهـ صغير وراح يتعلم من مورينيو الكثير و الكثير ..
شنايدر يوم كان معانا ومع شوستر !! .. شفناهـ بـ هذا الخبث اللي نشوفه مع الانتر
صار اذكى بكثير .. وكان وااضح عليه من اول مباره له مع الانتر .. المدرب يفرق
حتى لو كان برناوي لاعب !! قاقو مع شوستر من افضل المواسم له ..
كابلو ما طلب من الريال انهم يدفعون 20 مليون على الفاضي .. اول ما جا هو مع هقواين
ومارسيلو .. كان هو افضلهم واكثرهم انسجام مع الفريق كابلو حطه في موقف ما يحسد عليه
ضغط 4 سنين مافي بطوله وضغط صحافه وجمهور الريال و لاعب عمره 19 سنه وقتها !
ومحووووووور و حط تحتها مليون خط .. لاعب محور اصعب مركز في الملعب وكان ممتاز
مورينيو ما رفض الـ 20 مليون كذا استهبال ولا عباطه .. وبأذن الله راح نشوف قاقو غير المواسم الجايه مع مورينيو
..
..
لاسانا ديار .. رغم انتقادي له الموسم الماضي وكنت اتمناهـ احتياط .. لكن مع بللغريني ما كنت الوم ولا لاعب
على مستوياتهم .. !! انا افضل بقاء لاس وخروج بوجاسم لـ ميلان
ـ لاس اصغر من بوجاسم بفرق كبير وممادو وصل الـ 30 سنه !
ـ بوجاسم تقريبا فااقد حس المبارايات ومركزهـ حساس وصعبه يرجع لـ مستواهـ وخصوصا انه
بيكون اغلب المباريات احتياط !! بحكم وجود خضيره
ـ وجهه نظر شخصيه بس لاس افضل من ممادو اذا الضغط على حامل الكورهـ .. واتوقع ان مورينيو
بحكم متابعتي لـ مورينيو مع تشلسي و الانتر .. انه يلعب لاس في المباريات اللي يحتاجه فيه
في الكبيرهـ اذا كان يبي يطلع لاعب من الخصم برا المباره يخلي لاس يغطيه ولا ممتاز بـ هالموضوع
للحين ما انسى كيف نشب لـ سيدروف في مباره اياب الابطال مع ميلان الموسم اللي راح

انا توقعت هذي الحركه من مورينيو .. لأنه كان يسويها مع تشلسي و الانتر
مع الانتر كان عنده مونتاري و موتا .. مورينيو يعطيهم الحريه على لاعب معين .. وحتى
لو انطرد عاادي اهم شي توقفه !!
كان يسويها مع تشلسي يوم كان عنده ماكليلي و ايسيان و اوبي ميكل ولاس بعد !


..
نقطه اخيرهـ !!
غرانيرو + بيدرو ليون + كناليس + هقواين + قاقو + مارسيلو + غاراي

راح يبين فيهم صبغت مورينيو من الموسم الجاي او اللي بعدهـ
مورينيو خبيييث ويبين خبثه في لاعبينه من الناحيه التكتيكيه .. ولاعبينا ينقصهم
هالتكتيكـ .. ينقصهم فكر خروج المغلوب .. ما طلعنا من دور الـ 16 لـ 6 سنوات ورا بعض
الا والسبب واضح .. في مباريات خروج المغلوب في الابطال ولا كأس الملكـ يبين في لاعبينا
هذا الشي .. سمووها فهااوهـ استعباط !! استهوان .. بس من جد لاعبينا كان نفسي يكملون
مع كابلو عشان يتعلمون هالشي مع المواسم الجايه .. وان شاءالله مع مورينيو راح يتعلمونهـ

..
مايكون !! طولت سالفته .. الاخبار تجي ايام عليها كل ربع ساعه خبر عنه
وتجي ايام مافي اي شي عنه !!
اعتقد مع قدوم مايكون .. وخروج محمد ديارا فريقنا يصير تمام التمام
{{ انا للحين مقتنع بأن مارسيلو يستاهل يكون باك يسار ريال مدريد }}

لو كان يلعب في نادي ثاني كان الريال يطلبه الحين بـ فوق الـ 20 مليون
بس للأسف هذا الريال .. وهذي سوالفه
لو كان في تفاهم ومساندهـ الفريق كله لـ كل المراكز ويتحركون كلهم مع بعض
ومتقااربين من بعض .. ما راح تصير اي ثغرهـ في الفريق من اي مكان
اذا كانت الهجمه من جهه مارسيلو .. يكون يساندهـ الجناح اللي في نفس جهته و احد المحاور
ونفس السالفه من جهه راموس ..

اتذكر في مباره الريال و ليفربول .. على ضعف باكات ليفربول روبين ما قدر يخترقها من اي جهه
واتذكر .. لما يحاول يتوغل روبين من الجهه اليسرى .. يكون عليه ماسكيرانو ورييرا و الباك يسار اللي كان في وقتها اربلوا

اخر مثال .. ايمنويل انسوا لاعب ليفربول و المنتخب االأرجنتيني .. مع ماردونا في التصفيات
جهته شخبط شخابيط .. ومع بنيتز جهته انسى تمر منها !

.. آسف على الاطاله .. ويعطيكم ربي الف عافيه على مجهوداتكم

همسه ..

مدري ليه عندي احساس ان الريال بيلعب هالموسم مع الانتر او تشلسي
حركات الويفا !! كاكا يروح الريال .. الريال يلعب ضد ميلان
مورينيو يروح الانتر .. الانتر يلعب ضد تشلسي !!
ابرا راح البرسا و ايتو راح الانتر .. الانتر والبرسا ضد بعض !!
بلاتيني حركاتكـ قديمه و مفهوهـ ..

همسه اخيرهـ
عاشق s.ramos .. له وحشه هو و ترجمته لـ الاخبار
وينه ؟