أبو دحة حبيبي

صدقني ماطلب من فريقي إنه يكون كله زي كريس
كل لاعب وعارف إمكانياته وإنه يلعب بحسب مقدرته
لكني احب اربط مسوتى اللاعب بالوقت اللي لعبه
يعني ماتشوفني اتكلم عن قاراي أو اربيولا
أو حتى دينرثي
لاعبين عندهم إمكانيات على قدهم، وممكن كثير يتطورون
وماخذوا الفرصة الكافية في اللعب زي غيرهم

جاجو ترى كلامي موب على الموسم الماضي، لني بصير ظالم لو احكم عليه على عدد مبارياته القليلة اللي لعبها
انا اتكلم عن جاجو بعد موسم شوستر الأول تقريبا
تحسه وقف واكتفى باللي عنده، مافي أي تطور عليه
إن كان في أسلوب اللعب او غيره

العكس تماما تلقاه عند مارسيلو
لاعب جا في نفس الوقت اللي جاه في جاجو
ومر على نفس عدد المدربين
والأسو إنه كان يلعب في مباراة ظهير ومباراة أخرى وسط واحيانا جناح ايسر

لكن تعال شف تطور اللاعب نفسه
المهارات صارت أفضل
التسديد صار أقوى
التمرير، نسبة الاسيست حقه العام كان كبير
وغطى كثير وقت ماكان كريس مصاب لشهر ونص
حتى ثقته صارت اكبر واكبر

السؤال ليه جاجو ماصار مارسيلو؟
قلنا هيقوين تطور
قلتم إنه لعب بجانب نيسترولي وراؤول وهذا سبب تطور مستواه
طيب مين اللي طور مارسيلو؟؟؟؟؟

جاجو بحكم الفرص الكثيرة اللي جته
لازم السنة هذه يثبت إنه يستاهل الريال
لاتنسى إن حنا بنطلع واحد من الديارتين لعيونه
للمرة الثانية اتمنى يسكتني ويصير عنده سالفة وقد الثقة اللي جته

جرانيرو بغض النظر عن الكنترول والكورات الثابتة
رتم لعبه البطيء ماينفع بتواجد كريس وكاكا وهيقوين قدام
وزي ماقلت وقال جهاد
هو كان كويس في بداية الدوري
وش اللي صارله
الله اعلم

مستواه صاير حواق
وفرص اللعب اللي جته اكثر بكثير من غيره
ومن منتصف الموسم مااثبت إنه يستحقها

عموما انا مع خيار إعارته
على وعسى يتطور

على فكرة مشكلتي مع لاس هي مخه
والا إن كان لعب ومجهود
اشوفه أفضل من جاجو
لأنه يفيدني اكثر من جاجو

وديرنثي
تشوف مستواه قبل مع فينورد، وأول ماجاء للريال تقول عندنا موهبة
بعدين ماتدري وش صار
صراحة وهذا رأيي والله يعيني على الانبراشات
ماخذ فرصة كاملة
ومرات يلعب وسط ايسر كأنه محور
ومرة ظهير، ومرة جناح
والجمهور تحسه كارهه
وهو خال يتكرن بسرعة
بس الولد عنده إمكانيات غير المراوح

عموما فريقنا جته عاهات لليل
وتحملناهم قبل
طقم البيالات سلجادو وبافون وهيلقيرا وراؤول برافو
وجارسيا والثور الدانماركي
ترى ذول سبب القولون

اللي صبرنا على ذول
يصبرنا على الأهون منهم

ابو دحة لك

ابو العز

ماعادني متكلم عن المثلثات بعد كذا
بس بستمر في نظام ام كلثوم ، لأنه طرب
ردي عليك نفس رد جهاد الأخير
حق المجموعة والتوظيف

كأني صاير كثير اليوم