السلام عليكم ..


بدر : تراني افتح جهازي واطلع واخليه مفتوح يمكن عشان كذا تلقوني دايم هنا .. والحقيقة انا مشغول هالايام .. وبعد اسبوع ان شاء الله بفضا تماما ً ..

إقتباس بخصوص اللي يقولي ان الشحن هو اللي يرفع الاسعار ليه طيب فيه ماركات ما يتغير سعرها سواء هنا والا ببلدها الاصلي لو نروح لماركة غالية عندكم Louis Vuitton نفس الاسعار بكل محل بالعالم ومثلا gap رخيصة بامريكا وبريطانيا وهنا بالسعودية الجمارك هي هي والشحن هو هو العلة من ضماير التجار حسبي الله عليهم

ناصر في هذي انا اختلف معك ..


ياخي شف عندك بيربري التي شيرت هنا بـ 100 دولار بالكثير .. والجاكيت على 140 دولار والكوت بـ 200 ان كثرت ..


شف بيربري اللي بالمملكة .. قسمن بالله اني شايف عندهم جاكيت جلد موب ذاك الزود على 10000 ريال .. سلامات !


بولو ( رالف لورين ) نفس الشي هنا على 60 دولار 70 وان كثرت 80 دولار .. شف بكم يبيعونه بالرياض على 500 و 600 ريال !



لا بعد لين سولك خصم .. من جد تحس انه خصم .. انا دخال نيمون ماركوس وشاري تي شيرت دولتشي اند قابانا .. وعليه خصم بـ 44 دولار !

موب عندنا في السعودية يلعبون علينا .. تجيهم قبل الخصم بسعر وبعد اسبوعين يصير فيه خصم ومع ذلك نفس السعر !


والله نصب عيني عينك .. وغير كذا عندنا بعض الشعب متخلف .. لو القطعه رخيصه والله ما يشتريها .. ولوها غالية وماركتها *ق وانتو بكرامه شف العالم اللي تشتريها ..!


يعني بالله من يشتري فرنش كونيكشن .. ؟ بس عشان شعاره fcuk والعالم يحسبون انها الكلمة الوصخه ويشترون فيها بزعمنهم داعسين وفالينها ..وصار اللي يشتري فرنش كونيكشن هذا سافر برا .. والدعوه تشخيص !!