وربي حرااااااااااااااااااااااااااااااااااااااااااام << كتبت كل شي بس باقي إرسال واتقفلت الصفحة

قبل ما أحط الطبق

شكرا شكرا شكرا للمغامرة وشموخ تعبتهم معايا في الصور

شموخ شوية وبتدبحني لأني ماعملت نسخ للرد


الحين أروح لطبقي

وأجمل وأحلى وألذ طرطورة في العالم

المكونات :

* كرتون بيتي كروكر شوكلاتة
* كرتون بيتي كروكر فانيليا
* كريم شانتيه
* جالكسي بالبندق ( أو اللي تحبوه )
* قشطة
* عصير عنب
* فراولة
* ملون طعام ( أزرق)

الطريقة :

يخبز الكيك ( طريقة الكيك موجودة عالكرتون ) أنا خبزتو في صينة مستطيلة كبيرة المهم بعد الخبز نتركو يبرد شوي وبعدين ينقلب في صينية ( تبسي) كبير

ونقطع كل كيكة نصين متساوية ,, ناخد نص من الكيكة البني ونص من الأبيض

ونحطها جنب بعض على مقوى متين مغلف بقصدير

طبعا نكون سيحنا الجالكسي في حمام مائي وبعد مايسيح نحط عليه قشطة ونحركو الين يتجانس
ونصب الشوكلاتة على الكيك البني
أما الكيك الأبيض نجيب عصير العنب ونسقي بيه الكيك
بعد كدا نجيب كريم الشانتيه بعد مايتم خفقو طبعا ونحط طبقة خفيفة على الكيك الأبيض
وبعدين نقطع الفراولة لشرايح ونحطها على الكريم فوق الكيك الأبيض
بعد كدا نجيب النصين التانية ونحط البني عالبني والأبيض عالأبيض
ونغطي الكيكة كلها بالكريم من فوق ومن الجوانب
ناخد جزء من الكريم ونحط ملون الطعام الأزرق الكمية على حسب درجة اللون اللي نبغاها
ونحطها في قمع التزيين ونزين بيها الطرطورة ( زينوها زي ماتحبو)
الشي اللي في الجوانب دا بسكوت مطحون وزبدة كان موجود في التلاجة وشموخ جاتها فكرة وقامت حطتو في الجوانب وطلع حلو يعني


وصفي مدري ايش يبغى المهم شوفو الصورة وافهمو


زي ماقلت قبل العمل كان جماعي كلنا تشاركنا فيها لعنون الزعيم

التورتة دي عملناها يوم الأربعاء اللي لعب الهلال والسد وانتهت 3/0 للزعيم

كان مرررررررررة حماس داك اليوم كنا رايحين جايين ساعة عند التلفزيون وساعة في المطبخ

والحمدلله كانت فرحتين فرحة احتفالنا بالخمسين بطولة وفرحة الفوز في أول مباراة آسيوية

ما حبيت أنزلها في موضوع مستقل ولقيت شيف المجلس مناسب أنزلها فيه



بالعافية على كل الزعماء :rose:

إي صح نسيت أكتب في المكونات شموع رقم صفر ورقم خمسة

واسترو ما واجهتو جالسة أكتب وأنا ضاايقة بعد ما تحذف كل اللي كتبتو وكمان مسافرة مو في البيت

ووراية خرجة

للتذكير فقط التورتة بتاعي لا تدخل التصويت

بالتوفيق لمن يستحق الفوز