نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - وجود جواسيس امريكان في الرياض ولكن..تعال اعلمك بالتفاصيل (الرد ليس اجباري)

زيزوم الزعيم · #1 22/07/2010, 02:05 AM

السلام عليكم ورحمة الله وبركاته

مدخل...

عندما تكون الحرب ناشطه من طرف واحد...وبارده من الطرف الاخر
عندما تكون الحرب غير واضحه...و يكون العدو معروف الا انك لا تعرفه
عندما تُشق الصفوف من العدو...اسوأ الاحتمالات ان تصبح الحرب اهليه
تصبح حرب اهليه..{بفعل فاعل}

انا لست جيدا في المداخل...وادري اني خبصتها...الا ان هذا ما كان له ان يخرج من اللاب توب الخاص بي

سأسرد لكم قصه... وابغا رايكم فيها...هل اتفقنا..او..عندكم راي ثاني..؟؟

شخصيات القصه هم ...خالد ... و الطفل البريئ فيصل...بالاشتراك مع بعض الشخصيات

نزلت في يوم من الايام لعبة تدعى (بلايستيشن3) في الاسواق

وكان خالد من محبي ممارسة كرة القدم في البلايستيشن او بالاصح يحب التحديات مع اصدقاءه

ولم يكن بوسعه سوا شراء لعبة البلايستيشن...ثم شرا معها يد و شريط كورة (لوازم الفله مع الشباب)

ثم راح للبيت وعلى طول يده عالجوال ويدقق على الشباب...

يلا تعالو الليله سهرتكم عندي ... و عازمكم على تكسير روس ...

وثم سهرو الشباب و دوري بلايستيشن وفله و ام الفله بعد و اكيد خالد كسب التحدي لانه فنان<<

لكن في اليوم الثاني..مثلما يبدو لي ... انها ستبدأ المصيبه...

وخالد جالس يتقهوى جاه فيصل (الطفل البريئ) عمره لا يتجاوز السبع سنوات..(وخالد كان احسن واحد مدلعه فالبيت)
جا فيصل قال خالد..رد خالد هلا وش تبي... قال فيصل ابغى اشتري شريط سيارات ...

قال خالد بس..تامر امر .. بس عطني اسمه واجيبه لك... قال فيصل لا بروح معك..قال خالد اوكي طيب...

راحو وشرو شريط اسمه ((قراند)) طبعا اختاره فيصل لانه شايفه عند خوياه...ومرت الايام و الشهور..

حتى مرت سنتين تقريبا...الا بخالد يدخل على فيصل وهو يلعب البلايستيشن (شريط قراند) اللي شراه له خالد

وفيصل يلعب و معه خواته ثنتين اصغر منه...الا وخالد يعاين في التلفزيون وهو منبهر....و الاطفال يضحكون

يضحكون على المنظر اللي في اللعبة ((ضحكه تختلط ببرائة الطفوله)) وخالد مازال منبهر..

كان في اللعبه كازينو ((مرقص)) وكان فيه مرحله في اللعبه تجبرك انك تروح للمرقص ((يعني اجباري))

وكان في المرقص مناظر شنيعه تجرح مشاعر الناظر...نساء عاريات عاهرات ((اللعبه الجديده رسمتها تحاكي الواقع)
نساء تقريبا ((لا يوجد ولا قطعه على اجسامهن)) والادها و الامر يأدون حركات ((جنسيه)) والرجال يشجعون...

والاطفال مازالو يمارسون اللعبه و يضحكون ضحكة البرائه...الا بخالد يقول و بكل هدوء لفيصل اطلع من المكان ذا..

طلع فيصل وراح يبغا يواصل لعبه و ((هجولته)) في اللعبه...((شخصية هذه اللعبه((قراند)) يوجد معه موبايل))

الا و جوال الشخصيه اللي في اللعبه يرن ...ويقوم ويرد الا وصوت مرأه تكلمه ويتبادلون الكلام..شوي وسكر الجوال.

وطلع في الخريطه حقت اللعبه علامة قلب ((يأشر)) فسأل خالد الطفل فيصل وش معناه القلب اللي يأشر ..؟؟

قال هذا يعني تروح له...قال خالد طيب وشهو القلب...قال فيصل هذي حبيبته((حبيبة الشخصيه اللي في اللعبه))

قال خالد ... اييييش؟؟ قال حبييبته..قال خالد طيب وانت تروح للقلب دايم..؟؟ قال فيصل ايه كل شوي يرن الجوال

ثم تطلع هي و يطلع علامة القلب و اروحله ... قال خالد و بعدين.. قال فيصل اروح واخذها معي في السياره ونتمشا

قال خالد اقول هت اليد واطلع برا ... قال فيصل ليش؟؟ قال خالد اقول اطلع برا..طلع فيصل..وبقى خالد ماسك اليد...

طبعا خالد يبي يشوف وشهو الشريط اللي يلعبونه و وش يعلمهم من عادات وشهي طينة الشريط...

مسك اليد وراح لعلامة القلب .. وطلع كل كلام الطفل فيصل صحيح...ثم اذا رجع البنت الى البيت..((ينام معها))

قام خالد وكسر الشريط...وراح شرا شريط ثاني امن لا يربي الاطفال..اطفالنا اطفال الاسلام على عادت الغرب

وهذا ماكنت اقصد به جواسيس في بيوتنا...قصدت ان اسرد هذه القصه و مايحدث داخل اللعبه لكي اضمن وصول

المعلومه.وان تعرفو...لاني اجزم ان 80% من اطفالنا يلعبون هذه اللعبه التي تربيهم على الفسق و الفجور

لا تحرموهم من اللعب..لكن احسنو اختيار اللعابهم...ولو ان الدور الاكبر على الحكومه..لانها لم تمنع دخول مثل هذه

الالعاب الى الوطن..واذا رأيتم الاطفال يلعبونها لا تمنعوهم منها بل ابعدوها خفيتأ..لان الاطفال عندما تمنعهم عن شئ

تزداد رغبتهم به...

لا تمنعوهم بل بدلو السيئه بالحسنه بدلو اللعبه السيئه بلعبة امانه على فكر الطفل...

تذكرو اسم اللعبه ((قراند)) فهذه اللعبه ام الفساد وكلها تربيه على الحرام و الفجور

فإحذرو انهم يغزوننا من حيث لا نعلم وفعلا انها شق للصفوف واننا نعرف اعدائنا لكن لا نعرف من هم
من خلال طرقهم الخبيثه

و الحرب لم تعد عسكريه...بل انها اصبحت فكريه...وتتمادى حتى تصبح تربويه..وهم يستهدفون نواة الاسلام

والقصه التي سردتها لكم ... تراها قصه حقيقيه وخالد هو انا و فيصل ولد اخوي
اتمنى الموضوع نال اعجابكم و رضاكم و اتمنى ان اكون وفقت في توصيل الفكره لعقولكم
واستحملوني هالايام بـ((استلج)) عليكم في المنتدى بهالمواضيع اللي ماليه راسي

يلا بروح اتعشا و ارجع لكم...

ومع هالعشا بروح اعاين الفيلم اللي يقول عنه معالي ..الحين وقت الرعب يا هيكتار جزاك الله خير

(( ما ابغاكم تردون فاهمين.. لا اشوف ولا رد))<<لاني داري انكم تحبون العناد اذا قلت ردو ماتردون واذا قلت لا تردون بتردون