مشكوره اخت رنيم على ترحيبك بي وبرضو الاخ سنفور وماجد اشكركم كثير . وفي البدايه عندي نقاط عن مبارة البارحه بين فريقنا(البارسا) واتليتكو مدريد.
1 ) اللعب الهولندي فان برونكهوست ماشاء الله عليه ابدع وحرث الارض وكان مسبب لهم قلق , والسبب في ذلك باعتقادي هو انه حس ان راح يكون مركزه مهدد بوجود سلفينهو ( يعني راح يكون هناك جالنج تحدي) ,, وهذه ميزة وجود اكثر من لا عب في مركز واحد.
2 ) يظل توريس مهاجم خطير مو بالسهوله يوقف , لكن برضو يظل الاسد بويل مدافع صلب بس ان توريس يمر بهالطريقه من بويل فيها الف علامة استفهام .(بيني وبينكم الحركه اللي سواها توريس مايسويها الا نجم من الفئه الخامسه ) واعيد واكرر مو كذا تقطع الكور يا بويل .
3) فرحنا كثيرا بتواجد ايتو في خط الهجوم لكني عني انا حزنت كثيرا لرحيل سافيولا .. سؤال اطرحه على الجميع
هل ايتو افضل من سافيولا او حتى كلايفورت ؟؟؟؟؟؟
4 ) بصراحه امس الفريق كان كأنه هو صاحب الارض ... ضغط وهجوم ولعبات حلوه .. واتلتكو ماشفناه في الشوط الثاني الا في لعبة الهدف..
5) النقطه الاخيره ... احترم وجهة نظر ريكارد لكن سؤالي له هل كان جولي وديكو وحتى اكزافي افضل من رونالدينو عشان يخرجه ... بصراحه ياجماعه انا خايف من انه يصير هناك خلاف بيني ريكارد ورونالدينو ونيؤدي الامر لخسارة واحد منهم( الله لا يقوله ) وان كنت افضل ان يبقى رونالدينو على ريكارد .. (((( المدرب يجي غيره لكن رونادلينو مافي احد بجي مثله الا بعد عشرين سنه يعني بعد مايعتزل )))... وسامحوني على الاطاله...