شف يالغلا .. اذا عندك عزيمه صدقني بتنحف باي طريقه
اذا ما عندك عزيمه وماخذ السالفه فلاوي على ما قالوا .. اجل اطمر هالرد
اول شئ .. سجل بنادي ثلاث شهور بس
كل يوم تروح للنادي ساعه بس لا تزيد ولا تنقص (عشان ما تمل)
اول اسبوع بالنادي خله مشي على السير وبعده ابدا بالركض بشكل تدريجي
لا تحرم نفسك من الاكل ، اشرب كاس مويه قبل اي وجبه
الفطور يكون خفيف مره .. الغداء قطعة لحم او دجاج مع خبر بر و سلطه وكاس لبن قليل الدسم ( ممنوع الرز)
العصر اشرب عصير طازج قبل ما تروح النادي (عصير ليمون ، برتقال ، تفاح) اللي هو
العشاء نصيحه اذا كنت تنام بدري تعش بعد المغرب اما اذا تسهر بعد 12 عادي تعش بعد العشاء
اهم شئ العشاء يكون خفيف ، يعني ايدام مسلوق وياليت يكون معه سلطه
طبعاً انصحك تكثر من الشاي و الماء
ابعد عن الرز و الحلويات و مشتقاتها .. بعد اول اسبوعين راح تلاحظ بفرق
بعدها نقدر نقول لك يوم اوف .. تاكل فيه رز و حلويات (بشرط يكون اليوم بعد اسبوعين من البرنامج ويكون يوم واحد بالاسبوع بس يعني لا تفلها )
بس بشرط ما تترك المشي ابداً حتى بهاليوم
حاول تحط في قلبك شئ اسمه صبر ، يعني اذا اهلك جابوا شئ من برا
لا تقول وجبه مب مخربه البرنامج ، اذا بديت تفكر كذا
حاول تتذكر وشلون بيكون جسمك بعد النحف و انك بترتاح بعد النحف و و و و
ولا تروح لجوجل وتسأله عن برامج الريجيم .. ترى اكثرها مضره وتسبب امراض يا دافع البلا
وصدقني الثلاث شهور ذي بتمر عليك مرور الكرام .. الايام دازه الله يكفينا شرها
وبعد هالثلاث شهور .. راح تلقى وزنك طاح 25 كليو اقل شئ .. بمعدل 2 كيلو بالاسبوع !
والله اعرف ناس كثير طبقوا هالبرامج ومنهم واحد يقرب لي
كان وزنه 130 كيلو .. واخذ شهرين بس ! بس ضغط على نفسه
الحين وزنه 81 كيلو .. وشرايك ؟
كانت عزيمته قويه والله يوفقك يالغلا ويوفق الدببه كلهم

سلميشن