أنا وش خلاني احط الصورة >> فيس يناظر المشاغب
لا الصدق تعليقات حلوه ومقبوله وفي 3 ردود انحذفت وبعد اذن صديقي المشرف ... تراني رجعتها من باب خل العالم تعبر عن مشاعرها وبعدين عادي مشاعري حديد لا تخافو ا عليها وعلى فكرة ترى المشرفين يشوفون الردود المحذوفة سامع يا فوفو

وبحاول ارد على المعلقين على الصورة

هلالي الشماسية

إقتباس عندي سؤال واحد محيرني ,, بما أن الصورة عام الفيل فما أظن هناكـ لبس واتكيت بهذا الشكل والمخرَج لهذه الحيرة والصورة الواضحة أن عليك فنيلة كبيرة أم رقبة واللي على صدرك هذا لصتك كفر سيكل لكن ولا يهم هالعيينات والله ياصوتي إن ماراح لأحد غيركـ فهو لكـ

هههههههههههههههـ
ماشاء الله عليك قسمن سالفة اللستك خلتني اشك في نفسي والله ياعليك تدقيق
تسلم اخوي عبد الله على الطلة والتعليق

ماهينور

إقتباس ماجد مقبل / الله يسعدك دنيا وآخرة قل آميييييييين ,, صورة مواصل عندك تعتبر من الجييييل الجديد ,, ما شاء الله عليك أكثر صورة أعجبتني لأنها فعلآ قدييييييمة , مدري وش أقووول ووش أعلّق الله يحفظك ويحرسك ويخلّي لك ماتبقى من شعر رأسك ... تمنيتها ملوّّنه , بس من شاف الكاميرا الي مصوّرينه فيها مارجا من وراها ألوان .. الله يحفظك ويوفقك ويحفظ القمر رهف ما شاء الله أعجبتني صورتها بجلال الصلاة الله يحفظه

الله يعطيك العافية ماهينور وترى الصورة قريبة بس الكاميرا كانت اسود وابيض
واهم شي الشعر الباقي شكرا ماهينور

ذايب

إقتباس من يقول الزين ما يكمل حلاه؟ اشهد ان الحلا بك مكتمل

ذايب ما ودك تبطل حركاتك قال الزين قال
تسلم حبيب قلبي على التعليق الجميل

فيلسوف زمانه

إقتباس بسم الله الرحمن الرحيم أنآ أمس قآعد أتصفح الموضوع يوم وصلت عند صورتك .!! نطيت خمسة متر فوق الكرسي .!! .!! قلت هآه سمحوآ للجن يصورون .؟!! يوم قريت الأسم .!! وأنآ أقول الله يخلف علي بس هذآ مشرفنآ .!! قلت هالحين يبي يكون مثل تومي بلير .!! ولا طقته أشقرآني .!! وأحمرآني وأبيضآني .!! وكل شي لكن مآ آخفيك أني نمت من الخوف أمس على صورتك .!! حتآ أخوي الصغير يوم شآفهآ قعد يبكي ولا سكت إلا بعد 3 سآعآت ونص لكن مآ آقول إلا اللهم هبطبهم في منآزلهم .!! والي يرحم وآلديك لو تحذف الصورة تخلينآ نقدر نتصفح بهدوء وطمئنينة أكون شآكر لك لا تكون في بآلك أنك أنت الي بتفوز .؟!! أنسى مير أعقل وخلك رجآل وأحذفهآ لأني وأنآ أكتب مشطب عليهآ .؟!! الصورة أمسك هالصورة وعدل الرد قل هذي صورتي يوم أنآ صغير

هين يا فيلسوف بسيطة ذب واتريق وخوذ راحتك لكن الايام بينا
انما خليتك تقول ليت الزمان يعود يوما
حياك عبود وتمون يا صديقي

ريلاكس

إقتباس ماشاء الله تبارك الله

هلا فهد ما اكذب علي اشم ريحة ذب في الرد
حياك فهود ومنور يالغالي

سكب

إقتباس إياد .. عندك عرض مغري وإلا حوّلت صوتي لهـ المملوح !

يؤ يؤ وش ذا عاصم لعلك غلطان يالغالي يوم تقتبس الصورة
شكرا لك حبيب قلبي ولا تخليني اصدق نفسي

ريكلمي

إقتباس كيلو فصفص يؤدي الغرض أو لا !! يا لبى ماجد بس صوتي له دايركت

هههههههههههههه
اياد تراني عمري ما شكيت بنفسي فمالها داعي تخلوني اشك الحين
تسلم حبيب قلبي ومنور

ابو ناصر

إقتباس عدمك مواصل خخخخخخخخ بس تصدق..انت الوحيد من الاعضاء اللي ملامح وجهه كبرت معه ولا تأثرت بعوامل التعريه..

والله بدت عوامل التعرية تشوف شغلها يعطيك العافية ابو ناصر وخلنا نشوف صورتك
مشكور يالغالي

الهاديو

إقتباس الله يرجك يا ماجد علمتني بالموضوع وقريته كامل وطااااااااااااار الوقت ولا بعد نمت ،، أحبك يا .... ض1 سبحان الله ماتغيرت كثير ، واتوقع شي وحيد اللي فيك تغير << اكيد تعرفه ض1 ماجد ترى عادي الواحد يتراجع عن وعده ض1 خصوصاً لاشاف مثل

انا شفت حركات نذاله واجد بس مثل حركتك ابد ما شفت
حياك الله تركي وانقلع انت وصوتك يا حبيبي
منور يالغالي

محمد

إقتباس هذي الصوره ام كدش .. .. مشاء الله تبارك الله << خافين عليك من العين .. .. اتوقع صوتي محسوم بعد هالصوره .. ..

ههههههههههههههههههه
ياخي ما قد شفت ترفيع هيك في العالم
يعافيك محمد وانا اللي صوتي محسوم موب انت
منور حبيب قلبي

HILALYA

إقتباس ااااااااااااااااااااااااااااااااااه بطططني اه هههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههااااااااااااااااااااااااااااااااااااي لا صدق ماجد موب غرييب علي صورتك .. تقل شايفتك قبل .. يمكن كلام هكتار صدق ..

اكيد شفتيني ايام كنت العب في ضمك كنت اللاعب رقم 1
والفلاشات كلها مسلطه علي حياك اختي هلالية وشكرا لك على التعليق

وليد القحطاني

إقتباس من وين شاري طقمك ؟ ههههههههههههههههههههههههههههههه ماجد بعطيك انذار على هالصورة

هلا وليد هذا طقم روما في الثمانينيات
وبعدين ليه الانذار هذا وانا ما طلعت الشورت
منور يالغالي

ابو جواد العرابي

إقتباس اللللللللللللللللللللللللللله جمـــــــال ربــــــــــاني .. الوسامة هنا ولا غير .. أقووول : ماقد مرة ضاقت أخلاقك وحاولت تقطعها إربا إربا هههههههه والله أني أحبك في الله

اجل جعفر ولو مقبوله منك ابو الجواد
وبالنسبة لتقطيع الصورة ما اظن خاصة بعد ما نزلتها
حياك يالغالي


عطارد

إقتباس لبى قلبك ياماجد مقبل :: فديتك :: ..

يعطيك العافية ابو زياد وتسلم لي يالغالي
واقد اقول خلاص ضمنت صوتك
مشكور على التعليق

الشيهـانه

إقتباس لاتعليييييييق

ليه طيب كلمة ولو جبر خاطر
شكرا على التعليق

باريو

إقتباس روووح وانسآني خلاص ماهذا الجمال ؟ يالله يالله ابومقبل تكفى خلاص لاحظ معي الصوره لاحظ معي الشعر لاحظ معي النظره الثاقبه سبحان اللي خلقك معليك منهم يابومقبل روح والقلب داعيلك انت وهالفنيله كانك بحبل مشنقه

ههههههههههههههههههههههههههههههه
انت وش جابك من يوم حطيت الصورة اقول يارب انك ما تدخل
بس حلوه النظرة الثاقبة هذ ما جابها احد قبلك
حياك الله ابو حميد ومنور حبيب قلبي

العنود

إقتباس ماجد وش يقرب لك مايكل جاكسون

ولا حاجة

Z3EEM . FC

إقتباس مآجد مقبل ض1 مآذآ فعلت بنفسك جنيت على نفسك بس مهما نتفوك العيآل والبنآت الي هنا ض1 تبقى لك السلطه وتبقى متزعم وفآرض عليهم القوآنين بس مآتوقعت فيه نآس عندهآ جرآئه ذب لهدرجه ض1 آبو مقبل آمسسسح كل هالردود بوجهي الززززبده احبك في آلله يآبو مقبل

ههههههههههههههههههههههههههه
يقولون ن السلطة تخفي القبح بس مثل ما انت شايف
لا سلطة ولا بطيخ العالم ما قصروا ينعن ابليسكم من أزين انا والا القذافي
حياك اخوي الزعيم والحبايب يمونون وكلي فداء للزعيم
مشكور اخوي زعيم وانا بعد احبك في الله

صبا نجد

إقتباس ويـآ جبل ,, ما يـهزك ريـح

بعد الصور اللي جايبتها احس اني ريشة مو جبل
يعطيك العافية صبا نجد
وشكرا على التعليق

شلهوبية موهوبة

إقتباس كح كح وش هالغبار ..صوره جدا قديمه وفعلا شكل الكاميرا من النوع اللي وضعت صورتها مقبلنا .. الصوره جدا جميله وصراحة غطت ع الصورة هاذي

هلا بك اختي شلهوبية وسلامتك من الكحكحة
ومع وين جميلة الله يهديكي قصدك قديمة جدا
وشكرا لك على التعليق

المشاغب

إقتباس يا لبييييه يا ماجد قسم بالله انك كفو .. وعطيت المسابقة جوّ غيييير والله ضحكت على الصورة لأنها من التراث .. صورتك وصورة مواصل جد عطت الموضوع جوّ ثاني أقدّر لك تلبية طلبي .. ولكن للأسف ما قدرت أحميك من هاللي يسمعون بالذب !! فيه فرق بين الذب وبين التجريح أو التمسخر وقلة الحياء ..!! أدري أن صدرك رحب وقلبك طيب وما حطيت الصورة إلا وأنت متوقع ردة الفعل بس ولو .. كل شي وله حدود , واللباقة في التعليق مطلوبة .. ما أبي أفتح درس لتعليم البعض كيفية الأدب والاحترام .. لأني نفسي منب مؤدب لكن اللي يتجاوز حده حرر رده ..

حياك سلطان وتراني امزح معك يالغالي خلهم يذبون وانا ما نزلتها الى من شان هيك
بس دامك انسحبت من الترشيح انا معك لان المنافسة ما تحلو الا معك
>> يبي يطلع بكرامته
ثانكيو سلطان وبصراحة انت الي حمستني انزل الصورة وكويس اني نزلتها ويكفيني البيت اللي قاله ذايب
شكرا سلطان

الغدير الازرق

إقتباس ههههههههههههههههههههههههههه هنا التراث .. هنا الأصالة .. هنا الجنادرية واضح جداً يابومقبل إن الصوووورة قديييمة بالحيل من قبل لاتتوحد المملكة خل عنك والله ياصوتي محد ياخذه غيرك يابومقبل الله يسعدك

هههههههههههههههههههههههههههه
هلا وغلا طلال ترى موب مره عاد هذي الصور عام 1985 يعني على ايام الملك فهد
وفي واحدة ثانية معها ملونه واحلى بس المشكلة اني كنت فيها سكران
لذلك اكتفيت بها الصورة وتسلم يالغالي على التعليق والحضور
دمت بحفظ الله ,,,

الهنوووف

إقتباس مدري ليه اغلبكم يالقدماء تصورون بـ كدش شكله موضه زمان شكلك بهالصورة يـ انك خايف او مظلوم او ضارب احد وتسوي نفسك بريء والي يصورك مادرى ان هالبزر بيكبر وبيكون مشرف علي قصدي انسان يجبر الجميع على احترامه الله يحفظك ونشوف عيالك

انا جبت هالصورة عشان يعرفون اهل الكدش اني سابقهم بعشرين سنه
بس والله مدري ها الكدش بتاعي وشلون جاي اول مره اشوف كدش جاي على جنب
طبعا الصورة ما كنت فيها لحالي كان معي عمي واختي بس قصيتها
شكرا لك يالهنوووف على التعليق والجهد الكبير بالموضوع ...

وبعد احب اشكر كل من وعد انه يرشحني وانا بصراحة من يوم ما نزلت الصورة كنت بقول اني مادخل الترشيحات
وانا نزلتها بس من باب المشاركة الوجدانية وبعدين اعتقد اي واحد يشوف شك شك او ذايب ويجي يرشح ماجد مقبل اكيد بيكون عرضه للاتهام في عقله

شكرا للجميع