ما استغرب تطلع الصحافه وتقول سبب خروج البرازيل كاكا !
مثل الي حصل مع رونالدو وتحمله المسؤوليه ,
مشكلتنا اننا ما نعتبر الاعب قدم مستوى حلو الى لما يسجل هدف ,
طيب ليه ما نشوف الجانب الثاني تأثيره على الفريق وصناعته للاهداف ,
الواقع يقول ان كاكا صنع 3 اهداف من 4 مباريات لعبها وبالمتش الي غاب فيه
غابت البرازيل عن التسجيل ,
الي شفته انا لكاكا بالمونديال انه قدم مستوى بطل , كل كوره لازم تمر
من عنده وكل كوره تكون خطره هذا غير ان الحظ ما مشى معه بكثير من
التسديدات آخرها الكوره الصعبه الي صدها الحارس بتألق ,
الي ابغى اوصله اننا نحكم على مستوى الاعب من تسجيله للاهداف وهالشي
غلط بغلط , اجل خلاص ميسي الى الان ما سجل ولا قول لكن لو نشوف
احصائيه الاعب بعد نهايه كل متش نلقى انه مأثر بكثير من الهجمات
والاهداف ومشكل خطوره كبيره معناتها ان ميسي ما لعب زين بقانونكم ,
نفس الشيء مع كاكا موب شرط انه يسجل يمكن يصنع قول يمكن
يمشي اللعب بالطريقه الي يبغاها المدرب يمكن وجوده له تأثير على بقيه
الاعبين يمكن انه يعطي خيارات كبيره للهجوم بتواجده ,
اذا تبغون رأيي لحد يكتب رد وهو معصب او متنرفز لانه بيكتب شي
مغالط للحقيقه وبيرجع بعدين يضحك على نفسه يقول شلون كتبت هالرد ,
روق وريح اعصابك بعدين اكتب الرد لان وقتها بيكون عقلك معك
وبتكتب كلام واقعي , اما انك اول ما تنتهي المباراه تجي تكتب رد وتسفل
بلاعب لمجرد انه ما اعجبك مع ان الي يسويه عكس كلامك فهنا مشكله
كبيره لانه بيصير كميه اقتباسات لردودك وطبعا مع شويه ذبات بتخليك
تكتب رد ثاني وتسفل وتهوش وتنقلب الرابطه فوق تحت زي الي صار اليوم .
أتمنى اخر ردي ما يزعل احد .
..
