01/07/2010, 07:18 PM
|
 | زعيــم متألــق | | تاريخ التسجيل: 06/09/2009 المكان: -
مشاركات: 1,433
| |
اولا الحمد لله على السلامة
وثانيا بالنسبة للشعب اللي تقول مالهم طموح وتخرج وكل ابو كذا موب صحيح يالغالي
انا طالب بالجامعة وعندي طموح والحمد لله معدلي هالترم ارتفع بالرغم من التفحيط 
ولو تبغى اجيب لك طلاب من الجامعة بجميع التخصصات ولو تعرف احد في كلية الطب بعطيه اسم واحد كان معانا امس
وخله يسأله عنه ويشوف كم ترتيبه وتعرف ان كل هالكلام مو صحيح
فيه كثيرين من العاطلين يتابعون اقولك ايه صح لكن اللي يدرسون واللي موظفين اكثر
احضر مواكب هجولة وتشوف بنفسك عسكر مدرسين موظفين دوائر حكومية طلاب جامعة ومدارس
تلاقي فيه نسبة من كل فئة حتى ذوليك حقين الله يحييك تلاقي منهم
لااحد يقولي ضياع وماضياع انا انسان فاضي اذا ماهجولت وين بروح غير اني اروح اسنتر في ابو هيثم واشوف قناة غنوة ؟!!
ولا اجلس العب سوني يعني وش نسوي بالعربي !!
انا لاني مفحط ولاشي بس انسان متابع والهجولة ماجرتي لاي شي ثاني لاني لو بغيت ادشر كان دشرت من ايام المتوسط اللي جاني فيها كل شي ولا مشيت مع اي طريق منها
انا عندي عقل واعرف احكم الامور
وبالنسبة للشبكة مادري عنك لكن شفت الدوريات اللي ماقصرت واللي تقوله .؟؟!!
كان فيه شاص تابع للدوريات يعني لونه ازرق اكيد انك شفته هذا طال عمرك بغى يشيلني على باب الراكب والسبب البسيط
لاني عكست قبل مايشقون الشبك واول من انحاش مع المخرج عكس يعني والله لافكروا فينا ولا جابوا خبرنا يبغون يمسكون عدد كبير عشان الضابط اللي توه مستلم شرطة الرياض مدري وش اسمه كان يطارد ارهابيين والحين قافله معه عالهجولة
وبيجلس يومين ولا اسبوعين وغصب عليه بينسى وترجع الهجولة مثل ماكانت
بالعربي لااحد يقولي سلامتكم ولا خوفا عليكم
سلامتنا موب 600 مليون مرة تجينا دوريات همها انها تصدمني واروح فيها
وسلامتنا موب معناها انه يجيك راعي جيب دورية ويطلق من الرشاش فوق راسي
صحيح يمكن سيارتي انا شبهه بحكم انها كامري مظلل ويمكن يشتبهون فيني لكن ما يحق لهم يحكمون فيني اعدام وهم مايعرفون القضية ولافي اي بلد ولا في اي قانون
وبالنسبة للمرور اللي تمدحه ترا مالهم اي علاقة ياحبي انت
اللي جايين امس 15 دورية مهمات خاصة و10 دوريات شرطة 5 مرور
وهذولا ماطلعوا كذا في حياتهم الا في كم مرة بس وتجمعت الدوريات كذا من غير المرور السري
والسبب مثل ماقلت ضابط جديد ماسك شرطة الرياض او انه متولي ملف الهجولة المهم انه شخص متحمس
ويحسب ان هالشي راح يوقف الهجولة ومايطلعون الا بامر من الناس الكبار يعني لاتحسب انها شي طبيعي وجهد كويس من المرور
وعلى فكرة شفت الموكب ذا ترا جالسين ننتظر على دايري الدرعيه حول ربع ساعه ننتظر المفحطين ماجو وبعدها طلعنا من هناك ومسكنا الشمالي قلنا اكيد بنروح شارع ثاني ويدخل اي مفحط ثاني
لكن طلع عندهم (خبر) بالموضوع يعني مرورك ودورياتك قالت للمفحط انحاش وقالت لناس هم من المهمين في عالم التفحيط انحاشوا واهتمت للموكب ولا اهتمت للي جمع ام هالموكب
وفالاخير اقولك تحياتي   |
