نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - منتخب الــ ( لا مستحيل ) و فضيحة الانجليز .. او بالأصح فضيحة كابيلو ..!!

20 الكاسر ياسر 20 · #3 28/06/2010, 07:44 AM

هلابك عبد الكريم

انجلترا حزنت لخروجها امس كوني مشجع انجليزي في المونديال ، لكن بصراحه المانيا لعبت في
انجلترا لعب ، تحس ان الفريق ضايع وكل لاعب مو طايق الثاني واللي يقهر اكثر ان هالفريق
فريق يدربه كابيلو !! .. من اول مباراه في المونديال والمنتخب الانجليزي ضايع ويبحث عن
نفسه وبصراحه ماكنت استبعد ان انجلترا بتخرج من المونديال ،، اساساً ماتوقعت تتأهل من
دوري المجموعات لأن لامستوى يبشر بالخير ولا تدخلات من المدرب تعدل الوضع وتمحي
الاخطاء .. قبل كم يوم قريت ان السير يقول ان اغلب اللاعبين في اوروبا مارتاحوا وكان يتكلم
عن روني بشكل خاص لأنه مارتاح الا 4 ايام بعد نهاية الموسم وانضمامه لمنتخب انجلترا ، 4
ايام بس بعد موسم طويل عريض كان هو نجم البريمير ليج فيه !! .. انا اشاطر فيرغسون في
هالنقطه وكلامه صحيح 100% صحيح هذا مو عذر لكن ولو يبقى سبب من الاسباب .. واللي
يحير ويقهر ان المنتخب كله نجوم كبار ولهم اسمائهم لكن تحس مافيه تجانس ، هيسكي شفناه
في اخر المباريات مايلعب اساسي ويلعب دييفو مكانه وهذا تصحيح من كابيلو لأن هيسكي ماشوف
فيه المهاجم اللي تعتمد عليه في مونديال كبير وكان من الاولى انه يلعب بروني راس حربه لأنه
اساسا روني متعود على هالمركز في مانشستر وسطع نجمه فيه ، جرب انت منت خسران شي !
ايضا جيرارد .. جيرارد خطورته وين ؟؟ خطورته انك تجعله لاعب على الدايره ورابط بين
الهجوم والدفاع وتعطيه كافة الحريه في التحرك لأن جيرارد من اللاعبين اللي يكشف نص الملعب
من ورا ومن تمريره يمكن يحسم مباراه ولاننسى اختراقات جيرارد اللي يتميز فيها في هالمركز
والتسديد من بعيد لكن جيرارد مع كابيلو يُلزم بمركز معين ماعمره لعب فيه واللي هو جناح ايسر !
لاعب مايعطيك في هالمركز ليش يلعب !! وفيه اكثر من بديل يلعب في نفس المركز واولهم آشلي
يونغ لاعب طرف من طراز نادر لكن كابيلو راسه يابس .

على العموم انجلترا خرجت خلاص بسبب او بآخر لكن لازم كابيلو يغير من قناعاته شوي

.

منتخب المانيا حقيقه منتخب يُحترم لأنه مايتأثر في غياب نجم او آخر ، ودايما تلقى البديل جاهز
وافضل من الاساسي او الغايب احياناً ، مسعود اوزيل رقم 8 عوَّض بالاك وبصراحه اللاعب
يقدم مستوى ممتاز جداً وماتحس ان الفريق ناقصه عنصر خبره وعنصر مهم مثل بالاك !! ..
منتخب منظم تحسه يلعب على استراتيجيه واضحه وممتازه واللاعبين يطبقون ويفهمون اللي
يطلبه منهم المدرب عكس انجلترا الفريق الضايع واللي تحسه يلعب بدون نفس او بدون طموح
للذهاب بعيداً في كأس العالم .. بصراحه المنتخب الالماني قادم بقوه ويزاحم على اللقب وأتوقع
يكون طرف بالنهائي .

إقتباس


	* طبعاً لا انكر وجود اخطاء تحكيميه مميته خصوصاً هذا اليوم الكوارثي ..!!

اي والله امس صارت بلاوي

يعني هدف تيفيز الاول على المكسيك تسلل واضح ومافيه شك لأنه كان متقدم عن المدافعين
بمسافه كبيره مره ، وكذلك هدف لامبرد .. الكوره داخله بكامل محيطها .

إقتباس


	* التانغو , رغم النتائج , لم يتعرض لاختبار حقيقي الى الآن , فهذه المباراة ستكون كلاسيكو خاص متجدد بين مارادونا والالمان على ذكرى86 و 90 .. مباراة ناريه بكل ما تحمله الكلمه من معنى ..!!

رغم انه منتخب يضرب بأهداف ومستوى ممتاز الا انه فعلا ماقابل فريق جاهز وفريق قوي فنيا
مثل المانيا مثلا

، لكن ننتظر الانجرتين >>

في قادم المباريات ونشوف .

عوفيت كروم ...