السلام عليكم

الله لا يهينكم ع التقديم

المونديال إلى الآن مستمتع فيه .. أشوف فيه ناس كثير يقولون أقل من الطموح أما بالنسبة لي أشوفه رايق .. طبعاً بعض المباريات صايرة أي كلام لكن أغلبها استمتعت فيها مباراة واحدة المفروض تُلغى من تاريخ كاس العالم اللي هي مباراة فرنسا و الاوروجواي اللي كانت حواق غير طبيعي :@ الباقي كان متوسط و ممتاز

شيء ثاني ودي أتكلم عنه اللي هو النظام الغريب في طريقة لعب المباريات .. اللي خابره ان المجموعات تلعب مبارياتها بالتسلسل .. أما اللي بيصير اليوم و صار أمس العكس .. جنوب أفريقيا لعبت ثم مباراتين من مجموعة الارجنتين ثم فرنسا .. و بكرة بتصير مباراتين من المجموعة دي و مباراة من المجموعة سي و المفروض العكس .. نظام غريب الصراحة !!

نجي للمباريات .. المانشافت طبعاً قدموا أفضل أداء في الجولة الأولى كاملة و حتى الآن أدائهم هو الأفضل و اللي اقترن مع نتيجة طمأنت الألمانيين كثير .. ألمانيا بالرغم من غياب بالاك اللاعب المؤثر ألا انه ما أثر عليها و لاظنيت بيأثر في ظل تواجد هاللاعبين المتكاملين الصراحة .. فريق تتعب و أنت تقول بطرااااااان .. فريق يجمع بين الطموح و الروح و الأداء العالي .. و هالعناصر هي أهم عناصر تخلي المنتخب يفوز بكأس العالم .. طموح لاعبين للفوز بكأس العالم .. روح كبيرة داخل الملعب .. أداء عالي بالعناصر الفنية التي يمتلكها المنتخب الرائعة .. عشان كذا ما أقول المانيا بتوقف الا قدام انجلترا او اسبانيا او البرازيل و ان سلمت من مواجهة هالثلاث منتخبات بتطير للنهائي بإذن الله لأن هالثلاث منتخبات هي المكتملة تكتيكياً و فنياً

مباراة اليوم مهيب سهلة أبد بالرغم من خسارة صربيا من غانا في الجولة الأولى .. صربيا تمتلك عناصر رائعة خاصة في الدفاع و الوسط .. و بإمكانهم التغلب على ألمانيا في حال تمكنوا من مجاراة هجوم الألمان و التسجيل ما راح يكون بصعوبة بالغة بسبب نقطة الضعف اللي ذكرتوها في التقديم و هي ضعف الخط الدفاعي لالمانيا مباراة و العلم عند الله انها بتكون صعبة على ألمانيا بعكس مباراتهم الأولى و إن كان أداء ألمانيا عالي

أمريكا × سلوفينيا

الأمريكان مهوب سهلين أبد و بديت أصدق ان تخطيطهم للفوز في كأس العالم القادمة أو ما بعد القادمة صحيح .. هذا التخطيط الصح .. منتخب قبل سنة لعب نهائي كأس القارات و خسر بشرف .. منتخب أحرج إنجلترا .. منتخب يمتلك أسماء مميزة .. أمريكا بتكون الأفضل في اللقاء لكن بتكون المباراة أصعب من مباراة إنجلترا لأن سلوفينيا منتخب قوي حتى و إن كان أدائه ضعيف في المباراة الأولى .. سلوفينيا ستظهر بأدائها المعروف ضد أمريكا و ستجعل الأمور صعبة جداً على الأمريكان .. و بإذن الله ستحقق الفوز أو التعادل على أقل تقدير .. المباراة صعبة على المنتخبين لكن أمريكا أقرب للفوز

إنجلترا × الجزائر

على عيني و راسي يا عرب .. لكن الإنجليز بيقولون بالجزائر .. كابيللو المباراة الأولى إن شاءالله انها وضحت له أمور كثير كان من المفترض انها تكون واضحة له من قبل .. أهمها انه يلعب بطريقة 4 - 1 - 3 -1 -1 .. بتواجد باري في المحور الدفاعي و يسانده لامبارد و جيرارد اللي يساندون الهجوم أيضاً .. و لينون معهم لكن في الطرف الأيمن .. و روني يكون خلف هيسكي و فكونا من كراوتش و حواقه .. هيسكي في المباراة اللي راحت قدم مستوى كبير رغم سلبيته في بعض الكرات الا انه مزعج و يقدر يلعب داخل و خارج المنطقة عكس كراوتش

أما شغلة جناحين و مهاجمين و لامبارد و جيرارد في الوسط هذي طريقة غبية و استغربتها جداً من كابيللو .. هذا ألزم ما علي ان كابيللو يسويه في المباراة و يفكنا من الحواق اللي سواه المباراة اللي راحت

الجزائر ظهرت في المباراة الأولى بمستوى أقل من المتوقع بكثيييييييير .. و ما أتوقع تظهر بمستوى أفضل في هالمباراة .. فريق يملك عناصر جيدة جداً لكن ما ادري ليه احسهم مهوب مسوين شي .. ممكن يقدمون مستوى جيد لكن النتيجة بعيدة عن شواربهم ده ان كان ليهم شوارب

الشاوشي انهزت ثقته .. رابح سعدان صاير عصبي .. مهاجمهم البثر مطرود .. عندهم واحد يقال له دبور رايح فيها و لاهوب حول شي .. بإذن الله هذي كلها بتخليهم يخربون زود بالمباراة

الله يعطيكم العافية و ما عاد ورى النوم النوم