مآ تشوف إن رآميرس يستحق يكون أسآسي مكآن إيلآنو ؟
كـ مستوى من بداية الموسم مع انديتهم افضّل راميريس على ايلانو , لأن راميريس ابدع مع بنفيكا طوال الموسم اللي فات
لكن ايلانو شفناه يعاني مع غلطة سراي وما قدم المستوى المأمول منه , لكن دونقا ابخص بـ لعيبته .
دونقا دائم مثير للجدل في خياراته لكن في النهاية تكون الكفة في صالحه . اتوقع راح يبدا بـ ايلانو في الوسط وبيخلي راميريس
ورقة رابحه عشان تكثر عنده الخيارات في الدكة لأنه مستحيل يرمي بـ كل اوراقه في الملعب من بداية المباراة
لازم يخلي احد جمبه يقدر يستفيد منه في تغيير مجريات المباراة .
ومن الأفضل جمب لوسيو , خوآن ولآ سيلفآ ولآ لويزآو ؟
خوان أكيد , خوان مدافع راكد ويقطع الكورة بكل سهولة دون اي مشاكل ويمتاز بالهدوء والثقه والخبره ,
وتياقو سيلفا بطل بعد ومستواه ذا الموسم افضل من جوان لكن من ناحيتي افضل جوان لأنه اكثر خبره وانسجام مع لوسيو .
وهل توآفقني الرأي في إن الحلول في دكة البدلآء ضعيفة ؟ غرآفيتي , نيلمآر , بآبتيستآ !
مع احترآمي يعني لكن المونديآل أكبر منهم .!
بالعكس غرافيتي بطل ومن اخطر المهاجمين في الدوري الالماني ولا يغركم بروده في المباريات الوديه ,
الرجال ينتظر الفرصة له سنين ولا يبي يتحمس في الوديات وتجيه اصابه تكرشه من كأس العالم .
اتوقع بيحط كل قوته في كأس العالم وبيظهر لنا امكانيات جرافيتي الحقيقية . كلي ثقة في جرافيتي لأني اعرفه زين .
نيلمار كويس جداً ومشاغب ويعرف يتمركز صح + يمتاز بـ نشاط وحيوية الشباب . ودائم يكون له فايدة مع المنتخب البرازيلي .
بابتيستا ق1 , والله بطل
موب ذنبنا انه داج معكم يا روما
مستواه دايم مع البرازيل يكون رايق
لأنه من النوع اللي يحب الطقطقة واللعب الهجومي لأنه في الاساس يجيد الهجوم وصناعة اللعب مثل ماشفناه مع اشبيلية
والريال كان بطل , اتوقع نجاحه وبكل قوة مع السامبا , كل الخيارات الموجودة مع دونقا اعتبرها جيده جداً
بـ استثناء الظهير الايسر الاحتياطي جلبرتو , اشوف انه ظلم استدعاءه على حساب سانتوس .
يعطيك العافية انس ق1
