عوااافي رشووود


كأس العالم 2006

اول كأس عالم اتابعها .

طبعا 1998 و 2002 كنت اسحب على المباريات و بس اعرف النتائج

هن 3 مباريات

اول شيء مباراة السعودية و أوكرانيا

كنت بإستراحة مع خوالي و جالسين نشجع المنتخب الوطني << منتخب الدجة

طبعا انا كنت حاقد على المنتخب من عقب هدف تونس دريت ان مستقبلنا أسود مع الدقيقة 90

و انا قاعد اسب بالمنتخب و كل هجمة اقول
شوفوا منتخبكم الفاشل هذي هدف
احلى شيء هدف شفشينكو
ما كنت متوقعها بس قلتها انه هدف و يجي

عقب هدف ريبروف اللي من نص ملعبنا

تسمع انواع السب بمبروك زايد و باكيتا
بس السبة اللي تضحك كانت من اخوي
هو : باكيتا يا وجه العنز الحين مخلي الدعيع احتياط و مدخل هاللي ما يتسمى
طبعا كلنا ضحكنا ضحك على هالسبة


المباراة الثانية

ايطاليا ضد استراليا

اخوي ايطالي و انا زيداني

المهم كنت اتمنى خسارة ايطاليا
وتسمع انواع الشماتة بإيطاليا طول المباراة
الى ابن الذينا يحط وقت كبير بدل ضائع

انا : شف حتى الحكم مأمل عليكم يعطيكم وقت بس ماش تيوووووس

و عقبها بدقائق تشوف جروسو على ما اعتقد يتوغل داخل المنطقة

انا : يا تيس اقطعها يا عنز اقطعها
و حصل اللي ما ابيه بلنتي
و جابها توتي

و اخوي : برااااااااااااااااااااااااااااا

المباراة الثالثة
زيدان ضد البرازيل

المباراة ذيك يا توقيتها بااااااايخ
على المغرب
واذكر قبلها الآرتي كانت تحط اجمل اهداف المونديال يا هدف بيكهام خطيير

المهم
كنت جالس انا و ابوي وعمي وولد عمتي و اخوي

هنا اخوي جاء بزعمه يبي يرد حقت استراليا و يقول رحتوا وطي الحين رونالدو و كاكا و رونالدينو يمسحون بكم الأرض

قلت انا الحين تبي تشوف زيزو وش يبي يسوي

وتبدأ المباراة
و كل كلامنا شيء واحد
شفت سحبة زيدان اللي كذا
شفت تمريرة زيدان للاعب الفلاني

اما سحبته بكاكا و كافو ياهي جنووووووون
و هدف أونري أكثر جنووون




يعطيك العافية رشود على هالإيسكريم والله اني ميت جووع