^^^

زين فيه واحد غيري يشجع السيلتيكس

أول شي مشكور أخوي عبد العزيز على إلي قاعد تسويه

بالنسبة للنهائي أتوقع فوز السيلتيكس بالسلسلة 4 -2

السيلتيكس فريق مكتمل ومتنوع الخطورة بعكس الليكرز

الليكرز 70% من قوته بكوبي الباقيين كلهم أشوفهم أقل من لاعبين السيلتيكس

يعني لو أخذناها موقع بموقع التفوق واضح للسيلتيكس

البوينت قارد

راجون روندو و نايت روبينسون Vs فيشر و فارمر


ما أعتقد يحتاج أتكلم

فووروارد

راي آليين و بيرس Vs كوبي براينت و ارتيست

هنا نجوم الفريقين وثقلهم(بأستثناء ارتست ) كوبي لاعب كبير وما يحتاج أتكلم عنه

بس إذا كان قدامك لاعبين سوبر ستار ويتبادلون أدوارهم فسهل جداً ينخفض مستوى أي لاعب

نهائيات 2008 كان بيرس و الين يتبادلون المراقبة على كوبي وما قدر وقتها كوبي يجيب

فوق 30 نقطة إلا فيه مباراة وحدة من الست إن ما خاب ظني

السينتر

قارنيت و بيركنز و رشيد والاس و دافيس Vs باو قاسول و اودوم و باينم

أتوقع واضح تفوق السيلتيكس هنا بشكل كبير

قارنيت أحد أفضل 3 سناتر بأخر 10 سنين مع شاكيل و تيم دونكان حسب رأيي

ومميز بشكل كبير بمراقية أبرز سينتر من الفريق المنافس وأخراجه برا جو المباراة

باو قاسول مثل ما يقولون عنه بعض المحللين الأمريكان طويل ومهاري بس Soft

يعني هو مهاري بشكل مميز بالنسبة لسينتر بس دفاعياً يعتبر صفر ع الشمال مقارنةً بـ قارنيت

أما بالنسبة لبيركنز فمعروف مهمته من بدا مع السيلتيكس إلي هي يكون سنتر دفاعي بحت ويرتكب

فاولات قوية ع الفريق المنافس مقابل اودوم إلي بصراحة ما ينعرف له مره فوق ومره تحت

رشيد والاس و بيق بيبي لاعبين أكثر من رائعين كأحتياطيين ويعطونك خيارات كثيرة بالدفاع

وباينم عند الليكرز بصراحة توقعت له مستقبل كبير بس شكل الإصابة أخذت منه الكثير من مستواه

ع العموم إن شاء الله الفريقين يمتعونا بنهائي للتاريخ

ومتابعين معاكم على طول