[ALIGN=LEFT][/ALIGN]

إقتباس يابنات اهل القصيم.......يابعد ذاك النسيم

ياحبي لهن

الحقيقه بناقش الموضوع بطريقه مختلفه عن جميع الأخوان اللي شرفوا الموضوع بمناقشتهم
بحكم تجربتي الشخصيه مع هالموضوع
بعلنها لأول مره والحقيقه اعلنها بكل فخر أن امي موب سعوديه
يعني اخوكم بالله عايش هالتجربه عن قرب
صحيح احب خوالي وافتخر فيهم لكن ما اخفيكم ان الزواج من سعوديه افضل بكثير لأمور كثيره
انا بناقش الموضوع كأبن ولن اناقشه كزوج
الحقيقه اعاني كثير من بعد أهلي من طرف الوالده يمكن لأني اعزهم كثير
وهذه مشكله إجتماعيه كبيره وهي عدم التواصل إلا بالسنه حسنه وأحياناً ما تجي هالحسنه !!
افقد حنان الجد والجده والخوال والخالات ووووو كلها لسبب اني سعودي وهم غير سعوديين !!
ايضاً لو الواحد فكر مثلاً يتزوج بنت خالته يعني يبي يتزوج غير سعوديه مع انها قريبته !!
الحقيقه من خلال تجربه شخصيه ما انصح احد انه يفضل الزوجه الأجنبيه عن الزوجه السعوديه
لمجرد اسباب غير مقنعه مثل مغالاة المهور !!
مثل ما ذكروا الأخوان كثير من العوائل تدور الستر على بناتها
بعدين وش اللي حاد الشاب يروح يتزوج من اجنبيه ما يعرف عنها شئ ؟؟!!!
موب تقليل من الزوجه الأجنبيه لكن من المعاناة بعد الزواج من الأمور الأجتماعيه التي يستهين بها الكثير للأسف
وتظل في النهاية البنت السعوديه هي الأنسب والأكفئ لتحمل مسؤولية الزوجه في مجتمعنا
واللي يتعذر بأنها لا تصلح كربة منزل او ام او غيره من الأسباب الغير مقنعه اقوله مع احترامي لك
تراك غلطان
بالعكس الفتاة السعوديه الآن اصبحت تقدر الحياة الزوجيه وتقف مع زوجها في ظروفه
وتعرف عاداتنا وتقاليدنا وهي مهيئه أكثر كربة منزل صالحه