| إقتباس | | | | |
الرسالة الأصلية كتبت بواسطة الهنوووف | | | | |
تصدقين أحسنا قلبناها سوالف
بالنسبة أني أحبتس فالله يشهد أنك غالية ومثل أختي وأكيد أحبتس ومن فية ما يحبتس ما شاء الله
أممم بالنسبة للشيشة فللحق أنا سألت بس عن الولد أنه ما يدخن وصار ما يدخن وكل أخوانة ما يدخنون بس الأب
ولا جاء ببالي أن فية أب يدخن فما سألت عن هالشي وبرضوا أهلي ماتوقعوا هالشي والا لو عرفت بدري ماكان بيكون فيه نصيب لأن التدخين بالنسبة لي خط أحمر
ورفضت الكثير من اللي تقدموا لي لهذا السبب وطبعا من حقي هالشي
لكن بما أني عرفت هالشي متأخر فلازم أتعامل مع هالقضية ودائما أكلمة عن الموضوع ودائما يوعدني أنه بيبطل لكن ما بعد بطل
عموما أنا حطيتة براسي وأنا ما عمري حطيت شي براسي الا وصار اللي براسي
وأنا متأكدة أنه راح يتركة لأنه إجتماعي ويحب جلستي وصار ما يدخن فوجودي ودائما أناقشة في هالأمر
وتجرأو عيالة أنهم يقاومون هالشي لأن كلهم مو راضين لكن يخافون منه
فأنا قلبت الرأي العام علية وبنفس الوقت هو بداء يفكر بالموضوع من منظور آخر
تصدقين بالرغم أنه قوي وشخصيته قوية الا أن شخصيتي الأقوى تغلبت علية
لكن الحين سافر وما بيرجع الا بعد العطلة
ولازلت أعمل كل جهدي وبكل الطرق لأني ما أيئس من أي شخص وأحتاج بداية لتغيير قناعته بعدها أقدر أخلية يتركها
خصوصا أنه كان تاركها الى قبل زواجنا بأسبوع تركها حول سته شهور فمعناته أنه فيه أمل وأنا ما أيئس
تصدقين أمس كنت أناقش زوجي بهالموضوع وأنا مأجلة موضوع الحمل برضو عشان هالموضوع ومفكرة أراجع إستشاري عشان أعرف كيف أتعامل مع طفلي بهالظروف وكيف أقدر أقنعه بهالشي خصوصا أنه شخصيته محبوبه
بالنسبة للتأثر نفسيا ما أخفيك أنا أتأثر شوي حتى زوجي تعب شوي من هالناحية لأن دمعتي قريبة وبنفس الوقت هم أهلة وأنا غالية وهم غالين
لكن أنا ما أحسسة كثير بس يبين علي ولا أقدر أسكت لما أشوف الغلط أتكلم بأدب وأوضح وجهة نظري لكن مشكلتي أتضايق لما أحس أني أحرجت أحد أو زعلته
بس متأكدة أن هالوضعية فترة بسيطة وبتعدي وكل زواج لازم يواجة شيء من التحدي وزي ما قلت لك مافية مجتمع مثل أهلك بالضبط
بالنسبة للبس أنا ألبس ما يرضيني وأعكس قدوة جميلة للآخرين وأنا ما أجتمع فيهم كثير فالموضوع ما يأثر كثير
وعيالي بالتأكيد بأقدر أتعامل معهم بصورة حلوة وما راح يتأثرون كثير بإذن الله
ومثل ما قلت هي تختلف من شخص لآخر وبالتأكيد بتشوفين تغييرات لما تطلعين من بيت لبيت حتى بيت عمك يختلف عن بيتكم لكن هي قدرتك على التكيف
وما دام زوجي ملتزم وبنفس الوقت راضي عن طريقتي ومساعدني عليها ودائما يقول أنه مو مجبرة أختلط معهم فأنا راح أئسس أسرتي بعيد تقريبا عن تأثير الآخرين
//
//
//
أعتذر للكل لأني باقي أسولف مع هنو لكنها رئيسة مجلتنا فلازم أجاملها
<<ياحبي لتس هنو
تراي أمزح
للحق أنا قريب راجعه أرد على الكل بأذن الله
بالحب والإشراق