نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - بالتوفيق للزعيم + وآه من ( المفرج ، النزهان ، عزيز ) ..

شفشينكووو7 · #1 02/09/2004, 11:15 PM

[ALIGN=CENTER]السلام عليكم ورحمة الله وبركاته ..

الزعيم تعادل ومانقدر نقول غير الحمدلله على كل حال ..

ولكن اني اقعد اتفرج للمباراه وفيها لاعبين مايعرفون يثبتون كوره فهذا شئ مانقدر نصبر عليه ياخي والله خلهم يعطوني راتب 1500 شهري والعب لهم بالهلال قسمن بالله بس 1500 ويخلونني اكمل دراستي بس

والله لعيبه ترفع الضغط اقسم بالله وابصم بالمليون فيه ناس من جمهور الزعيم يلعبون افضضضضضل من عزيز والنزهان والمفرج ..

هذولا انا كنت ادافع عنهم واقول عطوهم فرصه من الموسم اللي فات لكن لمتى ؟؟؟

لين متى وحنا نعطيهم فرصه هذولا يستهترون بالشعار اللي يرتدونه ..

اقسم انني افضل منهم بس انتظروني السنه الجايه لاجيت درست عندكم بالرياض والله على طول اول يوم اروح للنادي واسجل

عاد شجعوني مو تحشون فيني اسمي راشد ترى تذكروا هالاسم

بس اتمنى من الاداره انها تجتمع مع اللاعبين اللي محسوبين علينا اما يحسنون مستوياتهم ولا يتوكلون على الله وحنا جمهور الزعيم والله مسامحينهم بس يفكوووووووونا تكفون ماودنا تنحرق اعصابنا زياده ..

قسم بالله وودي هاللاعبين يدخلون يشوفون هالموضوع ..

قسم بالله قسم بالله يالمفرج انت وعزيز والنزهان مانبيكم بالهلال قسمن بالله غثيتونا ..

واتمنى للزعيم التوفيق ..

بس احب اقول ينتبه الزعيم من المباريات الجايه واهم شئ المباراه الجايه قدام الاهلي تراه مهزوم وبيرجع يبي يفوز .. والله الوحده لعبوا فيهم وخاصة علاء الكويكبي والظهير الجديد الصغير في السن سعد الزهراني والله لعبوا في الاهلي لعب في الشوط الثاني لاكيم ولاروجيرو سووا شئ ..

عموما اتمنى التوفيق للازرق ..

وسامحوني ان طلع شئ غلط بس قسم بالله مقهوووور ..

اخوكم

راشد الراشد .. [/ALIGN]