الهند هندك ولو قال ماعندك ^_^
السلام عليكم ورحمة الله وبركاته بدون مقدمات - لأني ما أعرف لها - المثل الشعبي عندنا بالسعودية اللي اندثر حالياً وكان موجود عند كبار السن يقول ( الهند هندك ولو قال ماعندك )  في اشارة لدولة الهند الجميلة ..!! وأنا من هالمنطلق جمعت ملابسي وحطيتها في شنطة السفر وقصيت التذكرة من الرياض لقوا ويتخللها ترانزليت للشارقة فأنا ودي انكم تفيدونني باللي يعرف للهند ولا قد سافر لها لأني ان شاء الله بروح لمنطقتين ( قوا - بنقلور ) بنقلور شوي واضحة لأن فيها واحد من الشباب يدرس هناك رغم انه من جنبها <<< يعني مايفهم بالمدينة كثير بس هي الغموض حول قوا انا مدري عنها لأني سمعت ناس كثير يمدحونها والسياح الأجانب كثير والسياح العرب قليل  فاللي عنده معلومة عنها لا يبخل علي سواء من ناحية السكن او الاكل او الاماكن السياحية او اي نصيحة مع العلم اني مسافر - ان شاء الله - في شهر 7 ميلادي ويعطيكم العافية .. | 