السلام عليكم ورحمة الله وبركاتهـ
مــــــدخل:_
نفيض اخلاص نعطي من محبتنا بدون حساب
نحسب الناس كل الناس نسخة من طبايعنا
نرش الدرب للنشوان ولعينه نصير اهداب
ونبكي لابكى المجروح حر بكاه يدفعنا
إن شاء الله الجميع باأفضل حال..
تعودت أتحفكم بمواضيع مدموجه مابين واقعي ومن خربشاتي وخربشات غيري<<الله ياإلاتحاف
مو ضوعي احترت من اي مدخل ابدء فيه لاني في حيرة من امري اتجاهه وراح ابدء فيه من حيث حيرني<<ان شاء الله فهمتوا شي..
اول شي باركولي لان بقى على تخرجي اسبوعين بالكثير ثلاث اسابيع
ومواقف الرحله التدريبه لها موضوع لحالها..
اول ماسترجعت من ذكرى جامعتي هي الكنوز اللي اهدتني اياها من صديقات
الجامعه
((اتحداكم تعدون كم كرسي فيها؟؟
))تحديداً فيه هالقاعه ياما شهدت رقص نقاشات حاده ومصالحه وذكر وصلوات ونوم واشياء كثيره..
ويمكن من بين هالذكريات مصارحتنا لبعضنا
((كل وحده منا تذكر سلبياتنا وايجابياتنا بالدور))
من باب ((تصفية مافي النفوس وتجنب السلبيات ))
لما جاء دوري
الكل إتفق ان سلبيتي ((طيبتي))
الصراحه كانت شبه صدمه لي ولما سئلتهم ليه اعتبرتوا الطيبه سلبيه فيني
جاوبوا لانها مجال لاستغلالك..
مافكرت للحظه في الموضوع
الابعد موقف بسيط من كم يوم..
لما كنت انتظار عند طالبات الصف السادس
فالمعروف اني المرغوبه في حصص الأنتظار للطالبات لاني العبهم اناقشهم اراجع لهم حتى افقدني السيطره عليهم في بعض المواقف ووصل الامر للاستعانه بزميلاتي للسيطره على الوضع
في احدى حصص الانتظار للزميله لي زعلت طالبتين وكانوا منكبين على الطاوله فاانا ماتحملت الموقف ورحت اراضيهم فكنت اسئل زميلاتهم شفيهم ؟؟ ردت علي وحده :استاذه تراهم يمثلون عليك استاذه ترى انتي طيبه وهم يستغلونها ترى الطيبه موزينه يااستاذه<<البنت مسترجله.. ((هزيت راسي باإبتسامه
)) ((وفي داخلي اقول:حتى انت اقصد انتي )) وكثير من اللي اقابلهم يحذروني من طيبتي واني على نياتي حتى اهلي
وفعلا لما اراجع نفسي القى طيبتي وضعتني في مواقف احراج ومواقف ماأبالغ انها كادت تضيعني ومنها من استغلني والا الان مستمرين يستغلوني..
ومع كذا عاجزه اسيطر عليها ..
اللي ابغى افهمه:
1-هل الطيبه لها حدود ؟
2-هل تعتبر سلبيه في شخصية الانسان؟؟
مخرج:_
نعيش اغراب بين الناس وان متنا نموت اغراب
وتنسانا العيون اللي لجل سلوانها ضعنا
غلط لكن وش الحيلة؟ طبيعة.. والطبع غلاب
نتوب وننقض التوبة ونور الصدق يتبعنا
..للقائي بكم بقيـــــه..
