القصيده هي




ياللي تبون الطيب لـدو لهـلال
هلال ماغيـره زبـون الجمالـه
انا اشهد انه للوفـاء دوم مدهـال
والنعم يذكربه اليا جـاء مجالـه
شرب كيف المدح فنجال فنجـال
راسه تعالـى بالمراجـل لحالـه
والا الردى لوقال هافي ودجـال
نفسـه تحـده للـردى والسفالـه
يما وقف لي وقفت أرجال لرجال
مايجحد المعروف غيـر الحثالـه
أقولها و أبدي على كـل ماطـال
هلال يامرني وانـا مـن عيالـه
حنا نرد الطيـب مكيـال مكيـال
طبعٍ لنـا والحمـل حنـا جمالـه
مانرتضى منزل سوى العز منزال
والطيب يملكنا وصارنـا حلالـه
ولانشتكي من هم الايـام مثقـال
من فضل ربٍ مغتشيـآ ضلالـه
والله يجمل من تجمـل ولاسـال
اللي فعولـه بالمواقـف جلالـه
وياللي تبون العلم باقي لي اكمال
وأنـا كلامـي دونتـه الرسالـه
خوذوا كلامٍ ماحوى طيش جهـال
أن قيل منهو قولو الذيـب قالـه
محدن سبق طيبه على طيب هلال
هلال ماغيـره زبـون الشكـال