السلام عليكم ورحمة الله وبركاته

الف مبروك الفوز وعقبال البطوله الاسيويه


لفت انتباهي امس ان الحضور الهلالي من ناحية الجماهير اذا تنوع يخرج لك ببحر هايج يحرك اللاعببين جميعا سواء الي مستواه ممتاز يعطي اكثر والي مستواه نازل يراجع نفسه في نفس المباراة ويبدا يصحصح.

حضور الجمهور الهلالي امس كان منوع من السعوديه ومن خارج السعوديه

من البحرين من قطر من الامارات من الكويت ومن عمان ومن دول عربيه كثيره شفتهم في الاستاد

اتوقع لو كان هالحضور المنوع الجميل في مباراة الكاس لكان الكلام ثاني لان فعلا امس التفاعل الجماهيريي الهلالي يخلي اللي مايعرف يلعب يصير ماردونا .


لفت انتباهي امس الرابطه الهلاليه البحرينيه والقطريه والهلاليه الشرقاويه ورابطة الهلال بالغربيه وجميع الروابط الهلاليه في المملكه

لكن شفنا كيف اهازيجهم الحلوه وتاثيرها على اللاعبين شفنا امس ويلي ونيفيز كانوا بعيدين عن مستواهم في بداية المباراة لكن تفاعلوا مع الجمهور وشفنا كيف سجلوا وابدعوا في الشوط الثاني ورقصوا .

طلعت في بالي امس فكره هي ليش مايكون فيه مجالس جماهير للهلالين في قطر والبحرين والامارات والكويت

انا اعرف الجمهور الهلالي في هالدول متعصبين للهلال ومحبين للهلال ويبون يسوون اي شي لعيون الهلال
وتاسيس المجلس مهو صعب يعني لو صار فيه تنسيق في قطر بين الهلاليين وعينوا مجلس اداره للجمهور وايضا في البحرين والكويت والامارات بحيث انه في حالة النهائيات الي يلعب فيها الهلال يكون فيه تنسيق بين هالمجالس وبين رابطة الجمهور الهلالي في الرياض بحيث يتم التنسيق على حضورهم وترتيب الاوضاع لهم وعمل اللازم لهم بحيث يكون جاهزين وقت بداية المباراة ومستعدين للتشجيع .

سبق لي زرت قطر وزرت الكويت والامارات اعرف جماهيرية الهلال هناك وماقول هالكلام عشاني هلالي لا والله لكن اعرف ان جماهيرية الهلال هناك كثيره جدا جدا جدا فحرام مانقدر نستفيد منها واليا عرف ان اغلبهم ماعنده مشكله ان شاء الله من ناحية الماده كلنا عيال الخليج عند\نا خير ولله الحمد يعني سالفة انه يجي نص يوم يحضر مباراة ويرجع ماتكلفه شي خاصه وان المسافات قريبه ويعتبرها كنها كشتة بر او طلعة بحر .

اتمنا تفعيل مجلس الجمهور الهلالي او رابطة الهلال ويكون مثلا مقرها في الرياض ويكون فيها رؤوساء مجالس الهلال او من ينوب عنهم في جميع دول الخليج والعالم العربي حتى مافي مشكله نستفيد من خبراتهم ممكن مشجع واحد في قطر او البحرين او الامارات او سوريا او مصر يكون له صوت وحضور افضل من خمسين مشجع ساكت .