.



مباراة مفتوحة .. كذا اتوقعها .. الفريقين من الفرق الممتعة هالموسم .. هجوميين .. اتلتيكو كأسماء يتفوق وبكثيير .. بس ميزة فولام ان هودسون صنع فريق جماعي قوي .. يدافعون ويهاجمون كتلة وحدة .. خط الوسط عندهم قوي بتواجد ايتوهو و ميرفي محاور .. وقدامهم ثلاث لاعبين مميزين ممثلين بـ داف و غيرا و دافيز .

هودسون تلقى اخبار جيدة اليوم .. زامورا و داف رجعوا من الإصابات خصوصاً زامورا .. هالولد أكتشف نفسه من جديد مع فولام .. ماهو مهاجم كبير كإسم بس إمكانياته كبيرة .. يعرف يحضن على الكورة ويساند اللي يجون من النص .. يسجل من اي فرصه .. رجله قوية .. بالرأسيات مميز .. بدنياً قوي .. طبعا هودسون راح يسوي له اختبار علشان يشوف يبدا فيه اساسي او يكون على الدكه له شهر مالعب الظاهر .. في حال ما شارك راح يكون ديمبسي الاساسي

هانغلاند - بانتسيل - هيوز - كونشكسي <--- رباعي الدفاع الاساسي .. كانت عندهم مشاكل بس على كلام المدرب يقول اتوقع يكونون جاهزين .. عموما اهم شي هانغلاند و هيوز قلوب الدفاع الاستغناء عنهم صعب .. كونشكسي ممكن يعوضه نيكي شوري .. وبانتسيل اصلاً ما افضل يلعب وبايرد موجود .

عموما فريق يعدي رومـا .. شاختار دونيتسك الاكوراني حامل اللقب .. يوفنتوس .. ويحرم هامبورغ من اللعب على ارضه بالنهائي .. يستاهل يكون البطل .. كل اللي اتمناه لاعبي خط النص يكونون بيومهم بس والباقي سهالات ان شاء الله

اهم شي لا ينلخمون زي البورو قبل كم سنة ايام مكلارين يمكن 2006 قدموامستويات بطلة و وصلوا للنهائي ومع فريق اسباني اللي هو اشبيليه وكلوا اربعة .. اتمنى هالمباراة تكون على البال ويكون التركيز حاضر .. الخبرة قليلة واتلتيكو مرشح اكثر بس الفريق لازم يؤمن بحظوظه


فالكم البطولة
تقديم جميل ربي يسعدكم يا حلوين